Rafting irteera bat antolatu du Sainduak hilaren 24rako
Hilaren 24rako, asteazkena, rafting egiteko irteera antolatu du Hondarribiko Saindua Gaztelekuak, 12 eta 18 urte bitarteko gazteentzat. Dagoeneko izena eman daiteke, gaztelekuan bertan.
Hori ez da Sainduak hil honetarako eta adin tarte horretakoentzat antolatu duen ekintza bakarra. Astero bat egingo dute, asteazkenetan beti. Rafting egitera joateko ordaindu beharko da (27,5 euro), baina gainontzeko ekintzak doan dira.
Bihar bertan, asteazkena, surf irteera egingo dute, arratsalde pasa zehazki. Ekintza hain gertu dagoenez lehenbailehen izena ematea komeni da, ahal bada gaur bertan.
Datorren asteazkenean, hilak 10, hondartzara joango dira Sainduatik arratsaldez. Egun horretan Udaleko Prebentzio Komunitarioko Zerbitzuek hondar kirolak antolatuko ditu eta bertan parte hartzera joango dira gaztelekutik.
Azken biak, egun osokoak
Hurrengo bi ekintzak, hilaren 17koa eta 24koa, egun osoko ekintzak izango dira. Lehenengoa, 17koa, etxetik gertu egingo dute, Jaizkibelen. Mendi irteera izango da, baina helburua da Jaizkibelgo itsas ertzeko kaletan bainatzea.
Eta hileko azken asteazkenean izango da Bidarraira egingo duten bidaia, doan ez den bakarra. Rafting egitera joan nahi dutenek 27,5 euro ordaindu behar dute. Informazio gehiago behar duenak, gaztelekutik pasa daiteke, astelehenetik ostiralera 17:00etatik 21:00etara, edo deitu 943 64 31 98 telefono zenbakira.
