Tren geltokia egokitzeko eskatu dute Irungo Katea auzoko bizilagunek

admin

2013/06/20

Kateako bizilagunak, geltokiko arrapalan

Irungo Katea auzoko bizilagunek uste dute bertako tren geltokia egoera kaskarrean dagoela, eta gainera, bertara iristeko zailtasunak dituztela herritarrek. Horregatik, bi neurri eskatu dituzte: batetik bertako sarbidea eta geltokia bera egoera hobean jartzea, eta bestetik, geltokirako bidea auzotik hurbilago jartzea. Gaur goizean egin dute agerraldia Landetxa Auzo Elkarteko kideek horien guztien berri emateko. Esan dutenez, urteak daramate bertako geltokian hobekuntzak egin daitezen eskatzen. Alderdi politikoekin eta udaleko ordezkariekin bilkurak ere izan dituzte gaiaren gainean hitz egiteko, eta jakinarazi dutenez, Irungo Udalak iaz ADIFi eskatu zion geltokiaz arduratzeko, “baina ez dugu erantzunik jaso”. Auzotarren ez dute ulertzen nola “azpiegitura handietarako” dirua badagoen, “horien errentagarritasun soziala zalantzagarria izanik”, eta “aurrekontu askoz txikiagoa” behar lukeen obra bat nola ez duten egiten: “Erakundeei publikoki dei egiten diegu trenbide honen sarrera onartezin hau konpon dezan, urgentziaz, eta bide batez udal gobernuari eskatzen diogu gai honetan inplika dadila”. Horrez gain, tren geltokirako sarrera Andrearriaga kaletik egin dezatela eskatu dute auzotarrek.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Tren geltokia egokitzeko eskatu dute Irungo Katea auzoko bizilagunek

Gipuzkoa

Salmonellosi agerraldi batek 29 pertsonari kalte egin die Eibarren

Pasaiako eta Lezoko alkateek «erantzunak eta neurriak» eskatu dituzte portuko sutearen harira

Gizon bat atxilotu dute Irunen, prostituzio etxe batean emakume bati sexu erasoa egitea egotzita

KASek salatu du Donostiako Udaltzaingoa «jazartzen» eta «zigorra ezartzen» ari zaiela ogitartekoak banatzen dituzten herritarrei

Hondarribiko alarde baztertzailearen aldekoek utzi egin dute konponbiderako elkarrizketa prozesua

GHKk espediente bat irekiko du Zubietako erraustegiko sutearen nondik norakoak argitzeko

Donostiako Harrera Sareak salatu du lau kide identifikatu dituztela etxegabeei janaria emateagatik