Espainiako Trialsin Txapelketan zilarra jantzita, Europako podiora igotzen saiatuko da Ion Areitio

admin

Bidasoa

2013/06/19

Areitio, Olazabal parkean, apirilan

Ion Areitio txirrindulari hondarribiarrak Elite Mailako zilarrezko domina lortu zuen asteburuan Granadan egin zen Espainiako Txapelketan. Abel Mustieles aragoarrak irabazi zuen proba eta Dani Comas katalanarentzat izan zen brontzea. Munduko Kopako bigarren proban, Krakovian podiora igotzea lortu zuen Areitiok, Benito Ros nafarra lesionaturik dagoela baliatuta —eskumuturra hautsi zuen eta aste batzuk beharko ditu lehiaketetara itzultzeko—, baina joan den asteburuan beste koska bat igo zuen hondarribiar gazteak eta Comasen aurretik sailkatu zen. Areitiok esan izan du Ros, Comas eta Abel Mustieles bere aurretik daudela, baina Espainiako Txapelketan erakutsi du azkar ohitu dela Elite Mailara eta beste hirurekin lehiatzeko gai izan daitekeela. Ostiralean Europako Txapelketa hasiko da Suitzan eta bertara joateko hegazkina hartu behar zuela erantzun ditu HITZAren galderak. Aste honetan bizikleta hartzeko aukerarik izan ez duela aitortu du, baina gehitu du Europako Txapelketako lehen lauen artean sailkatzen saiatuko dela, superfinala jokatzeko. Espainiako Txapelketan bigarren geratu zara. Ondo moldatu zinen Granadan. Aurreko karreretan eguraldia ez genuen lagun izan, baina honako honetan ere beroak ez zigun mesederik egin. Lasterketa ez zen oso polita izan, ez maila aldetik ezta erakargarritasun aldetik ere, baina nahiko ongi moldatu nintzen, egia esan. Ezustekoa izan zen Comasen aurretik geratzea? Beno, ez zen hainbesteko ezustekoa izan, aurreko probetan berarengandik nahiko urbil ibili bainintzen, baina, hala ere, asko poztu nintzen lortu nuelako. Nola prestatu zara Suitzara joan aurretik? Hemendik minutu batzuetara abiatuko naiz. Aste honetan ez dut bizikletarik ukitu; bidaiak, joan etorriak, materiala prestatu… Espero dut bihar han entrenamendu txiki bat burutu ahal izatea. Zein helbururekin zoaz? Helburua aurreko karreretan izan dudan berbera izango da, hau da, superfinalean sartzea. Hortik aurrera posible den guztia egingo dut podiora igo ahal izateko, baina ez da batere erraza izango.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Espainiako Trialsin Txapelketan zilarra jantzita, Europako podiora igotzen saiatuko da Ion Areitio

Gipuzkoa

Donostiako Karmengo jaietan jasandako «jazarpen poliziala» salatu dute dozenaka herritarrek

Jon Sarasua euskaltzain oso izateko hautagai izendatu dute

Donostiako Piratek bertan behera utzi dituzte abuztuaren 14ko kontzertuak

Memoria historikoari begiratzeko bi proposamen bateragarri egin dituzte Carla Filipek eta Taxio Ardanazek

Uholdeak gertatu aurretik abisu emateko sistema bat sortu dute Pasai Donibanen

Hernani eta Irun lotzen dituen Renfeko tren zerbitzua etengo dute uztailaren 25etik irailaren 6ra

Bergarako eta Zarauzko autoen ikuskapen zentroetan greba mugagabeari eutsiko diote

Beasaingo Urkiola jatetxeak irabazi du Jakitea elkartearen Juan Manuel Garmendia gastronomia saria

Torreko Hodia ikusgai jarriko dute Ekainberrin, duela 12.000 urte grabatutako pieza bat

Deeptek-Gipuzkoa fundazioak programa bat abiarazi du enpresa zientifikoei laguntzeko

Ertzaintzak Donostiako Karmengo jaietan «herritarren aurka erabilitako indarkeria» salatu du EH Bilduk

Donostiako Karmengo jaietan jasandako «jazarpen poliziala» salatu du besta batzordeak