Haitzama erromeria taldeak joko du sanmartzialetako bazkaria eta gero
Larunbatean 1.600 lagun eseriko dira mahai inguruan Betti Gotti euskara elkarteak Ficoban antolatuko duen herri bazkarian. 1.600 eta askoz gehiago izan zitezkeen, koadrila asko sarrerarik gabe geratu direlako, kopuru hori gainditzeko baimenik ez baitute jaso Bett Gottikoek.
Gaur goizean Joseja Zabalo elkartearen presidenteak HITZAri aurreratu dionez, Haitzama erromeria taldeak joko du bazkalostean. Bazkaria bukatuta, 16:30ean gutxi gorabehera, ateak irekiko dituzte —18 urtetik gorakoentzat soilik—, eta orduan hasiko da musika emankizuna, Haitzama taldea lehenik eta DJa gero.
Zuzeneko taldearen emankizuna eta da izango aurtengo berrikuntza bakarra. Izan ere, itzulerako kalejira “berezia” izaten saiatuko dira. Ficobako festa amaituta, Iparralde etorbidetik joango dira eta Pikoketa karrikako malda igoko dute. “Kale Nagusiaren jaitsiera polita egin nahi dugu, txaranga eta batukadarekin. Jaitsiera zerbait berezia izatea nahiko genuke”, adierazi du Zabalok.
