Lekuonan liburutegia eta beste zerbitzu batzuk jartzearen alde egin du PSE-EEk

admin

Bidasoa

2013/06/11

Dantza sormenerako zentroa irekiko dute Lekuonan

Gaur landuko dute Errenteriako PSE-EEk berak aurkeztuta kultur azpiegituren gaia ez-ohiko udalbatzarrean, 16:30ean, baina aurretik bere jarreraren berri eman du. Hala, udalak duen kultur azpiegituren proposamenarekin ez duela bat egiten jakinarazi du talde sozialistak: “8 milioi euroko gastua du bere proiektuak eta Errenteria Musikalek bere instalazioak handitu edo moldatzeko aukerari ez dio etekinik ateratzen”. Haatik, PSE-EEk duen proposamen “arrazional eta ekonomikoagoa” egin duela jakinarazi du, “kultur bizitza zerbitzu publikoarekin osatzen du, eta liburutegia sustatzen du erdigune bezala”. Lekuona urtean zehar milaka herritarrek erabiltzeko moduko eraikina izan behar duela uste du talde sozialistak, eta liburutegiaz gain, beste zerbitzu batzuk eman behar dituela: kontsumitzailearen bulegoa, KZgunea, Gazteen Informazio Bulegoa, Oarsoaldeko Enplegu Saila edo etorkizuneko Herritarren Arreta Zerbitzua. Lan horiek 4 milioi euroko inbertsioarekin egin daitezkeela uste du: “Liburutegiak 10.000 bazkide ditu, eta urtean 70.000 bisita eta 45.000 mailegu. Beste zerbitzu batzuk batuta, herri eta eskualdeko erabilera eman ahal zaio”. Udal Gobernu Taldearen proposamenarekin lotuta aldaketa batzuk ere proposatu ditu PSE-EEk, eta liburutegia Lekuonara eramanda, Dantzagunearekin lotutako ostatua liburutegiaren eraikinean egitea, eta Torrekua “berritua izan zen helburura bueltatzea: jantzi museoa”. PSE-EEren iritziz, “modu horretara, ez lirateke Kapitain-Enea museo izateko lanak egin beharko, ez Koldo Mitxelena-Biterin lanik egin beharko, ezta Torrekua ostatu izatera moldatu beharko”. 3 milioi euro aurreztuko liratekeela adierazi du talde sozialistak. Dantzagunea, berriz, Errenteria Hiria Kulturgunera eramatea proposatu du. Proposamen horiek talde politiko guztiek osatutako batzorde batek lantzeko eskatu du PSE-EEk, zerbitzu teknikoekin batera. Euren proposamena “irekia” dela esan du, eta beste alternatibak entzuteko “prest” dagoela.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Lekuonan liburutegia eta beste zerbitzu batzuk jartzearen alde egin du PSE-EEk

Gipuzkoa

Donostiako Karmengo jaietan jasandako «jazarpen poliziala» salatu dute dozenaka herritarrek

Jon Sarasua euskaltzain oso izateko hautagai izendatu dute

Donostiako Piratek bertan behera utzi dituzte abuztuaren 14ko kontzertuak

Memoria historikoari begiratzeko bi proposamen bateragarri egin dituzte Carla Filipek eta Taxio Ardanazek

Uholdeak gertatu aurretik abisu emateko sistema bat sortu dute Pasai Donibanen

Hernani eta Irun lotzen dituen Renfeko tren zerbitzua etengo dute uztailaren 25etik irailaren 6ra

Bergarako eta Zarauzko autoen ikuskapen zentroetan greba mugagabeari eutsiko diote

Beasaingo Urkiola jatetxeak irabazi du Jakitea elkartearen Juan Manuel Garmendia gastronomia saria

Torreko Hodia ikusgai jarriko dute Ekainberrin, duela 12.000 urte grabatutako pieza bat

Deeptek-Gipuzkoa fundazioak programa bat abiarazi du enpresa zientifikoei laguntzeko

Ertzaintzak Donostiako Karmengo jaietan «herritarren aurka erabilitako indarkeria» salatu du EH Bilduk

Donostiako Karmengo jaietan jasandako «jazarpen poliziala» salatu du besta batzordeak