Eguraldiak mugatu du Bikingo Eguna baina Europako SUP Txapelketa egingo da bihar goizean

III. Bikingo Eguna

HS2 elkarteko bi kide gaur arratsaldeko txapelketan lehiatzen

Bihar, igandearekin, egitekoa zen Europako SUP Txapelketako proba Hondarribian, eta egingo da. Eguraldia asko ari da baldintzatzen III. Bikingo Eguna, eta gaur hainbat jarduera bertan behera geratu dira. Batez ere gurpildun modalitateetan eragin izan du horrek eta scoot, BMX eta beste erakustaldiak ezin izan dira egin. Uretako probak, baina, egin egin dira, nahiz eta parte hartzea ez den handia izan. Nolanahi ere, HS2 elkarteko kideak ezinhobe pasatzen ari dira SUP taulen gainean zein kanoa hawaiarrarekin.
Roman Frejo

Frejo nafarra gaur iritsi da

Iñaki Navascues HS2ren presidenteak HITZAri azaldu dionez, dagoeneko iristen hasi dira bihar Europako SUP Txapelketako probako parte hartzaileak. Espainiako Txapeldun den Ramon Frejo nafarra gaur iritsi da eta arratsaldeko saioetan parte hartu du HS2 elkarteko kideekin batera. 11:00etan hasiko da bihar Europako Txapelketako 14 kilometroko proba. Butroi pasealekuan izango da irteera eta bertan surf munduarekin lotura duten hainbat stand jarriko dituzte.
Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.