Urtebete egin du gaur Betharram zaharren egoitzak. Hondarribiko lurretan eraikita dago baina bi hirietako pertsonak bizi dira bertan, Hondarribikoak eta Irungoak. Gaur arratsaldean festa egingo dute bertan eta ondo baino hobeto ospatuko dute elkarrekin eman dituzten lehen hamabi hilabeteak. Baina goizean izan da zer ospatu Betharramen, egoitzatik Gibeleta parkera joateko tunela inauguratu baitute.
Egoitzako zein Caser enpresa kudeatzailearen arduradunak, Maite Pelaez Hondarribiko Udaleko Gizarte Zerbitzuetako zinegotzia, Maite Cruzado Irungoa, eta arloko aldundiko ordezkariak izan dira ekitaldian. Ekitaldi irmoa izan da, aurresku eta guzti, baina politena zinta moztearen ondoren izan da, egoitzatik bertatik Gibeleta parkera igarotzeko aukera izan denean. Apaiza ez zen urruti tunela bedeinkatzeko.
Urtebete egin du egoitza berriak eta, gaur aoipatu dutenez, inauguratu zutenean bururatu zitzaien tunela egitea, parketik oso gertu zegoelako, baina egoiliarrak beratra iristeko modurik ez zutelako. Hala, Letxunborrotik egoitzara sartzeko malda azpian egin dute zuloa eta, modu horretan, auzotik askoz gertuago dago zaharren egoitza.