Haurtzarok bere eguna ospatuko du igandean
Heldu den igandean, hilak 9an, Haurtzaro Ikastola Eguna ospatuko dute. Dena den, motorrak berotzeko, larunbatean Haurtzaro Dantza Taldeak ikasturte bukaerako emanaldia eskainiko du Elorsoro kiroldegian, 18:00etatik aurrera.
Igandean goizean goiz hasiko dute festa, suziriarekin. Ilunabarrera arte luzatuko da festa. Musika, bazkaria… denetarik egongo da. Taberna ere martxan egongo da egun guztian zehar DBH 3. mailakoek antolatuta.
Egitaraua:
08:30ean: Altxaferoak Ikastola Egunari hasiera emango dio.
08:30ean: Ginkana ikasle eta gurasoentzat.
11:15ean: Eskolaz kanpoko ekintzen emanaldia: bertsolarien agurra, malabareak eta Dantza Garaikidea.
12:00etan: Ekitaldi ofiziala.
10:30-13:30: Agenda 21 erakusketa LH 6. mailako pasilloko gelan.
13:30ean: Haurren bazkaria Ikastolako pilotalekuan.
14:00etan: Helduen bazkaria Ikastolako pilotalekuan.
DBH 3. mailako saskien zozketak eta Bingoa
14:30etik aurrera: Makillaje tailerra, jolasak eta tailerrak haurrentzat, Kiki, Koko eta Moko, gaztelu puzgarriak, ohe elastikoak.
Arratsaldean: Modestorekin dantzaldia.
19:00etan: Egunari bukaera emateko apar festa.
