Biolin eta piano kontzertua jasoko du Kultur Etxeak ostiralean
Izaskun Etxebestek (biolina) eta Myriam Telleriak (pianoa) osatutako bikotea ariko da ostiralean, hilaren 7an Hondarribiko Kultur Etxean (Denda kalea, 18), 18:00etan. Bi pieza luze interpretatuko dituzte: Wolfgang Amadeus Mozarten biolin eta pianorako Sonata KV 454 Si bemol maiorrean eta Cesar Francken piano eta biolinerako Sonata La maiorrean. 18:00etan hasiko da emanaldia, areto nagusian. Sartzea libre da.
