Arma plazan egin zieten harrera ikasleei
Euskal Herriko Unibertsitateko Arkitektura fakultateko Eraikitako Ondarearen Zaharberritzea eta Kudeaketa Osoko Unibertsitate Masterreko ikasleak Alde Zaharrean egon ziren astelehenean, Arma Plaza Fundazioak eta EHU-UPVko Donostiako Arkitektura Eskolako katedradun diren Manuel Iñiguez eta Alberto Ustarrozekin duen lankidetzaren barruan.
Ikasleek Hondarribiko ondareari buruzko jardunaldia burutu zuten herrian eta Txomin Sagarzazu Kultura zinegotziak eta fundazioaren presidente ordeak egin zien harrera. Jarraian bisita gidatua egin zuten Hirigune Historikoan, eta udalak azken urteetan “ondarearen zainketan egindako lanak” ezagutzeko aukera izan zuten, Miren Aierbe udal arkeologoaren eta Arkaitz Orbegozo TEUSAko arkitektuaren eskutik.