'Nagore' dokumentala proiektatuko dute ostiralean
http://www.youtube.com/watch?v=BSYzuVH_r2I
Helena Tabernaren Nagore dokumentala ikusteko aukera izango da Karaez kaleko HELTAren lokalean. 17:00etan hasiko da emanaldia.
Nagore Laffage gazte irundarraren heriotza lantzen du filmak. Nagoreren amak, Asun Casasolak hartzen du parte, eta badira familiakoen, biktimaren lagunen testigantzak ere, eta, orobat, epaiketa-prozesuan inplikatutako alderdien (fiskala, bi aldeen abokatuak eta genero bortizkeriaren aurkako kolektiboen ordezkariak) ikuspuntuak, artxiboko materiala, krimenaren berreraikitze-irudiak akusatuarekin eta epaiketaren hainbat zatirekin.
