Irungo udako tailerretan badago tokia oraindik
Irungo Udaleko Kultura Sailak jakinarazi du udako tailerretarako oraindik badaudela plazak libre, zeramika tailerretarako hain zuzen. Uztailean egingo dituzte tailer horiek. Izena emateko Kultura eta Kirol Sailera deitu behar dute telefonoz interesdunek (943 50 54 07/08), astelehenetik ostiralera, 08:30etik 14:00etara. Udalak gogorarazi du tailerrak 5-17 adin tarteko haur eta gazteentzat direla, eta partaideak onartuko dituzte plazak dauden bitartean, nahiz eta ikastaroak abian egon.
Zeramika ikastaroak uztailean egingo dituzte, astelehenetik ostegunera 10:00etatik 12:00etara. Matrikularen prezioa 117 eurokoa da.
