Irungo Udaleko Ingurumen departamenduak antolatuta, hilaren 15ean Erlaitz eta Pagogainako gotorlekuak ezagutzeko irteera antolatu dute. Aranzadi zientzia elkarteko arkeologo batek gidatuko du bisita. 09:30ean bilduko dira interesdunak Aiako Harria parke naturalean dagoen Lapuriturri informazio puntuan.
Interesa duen orok izena eman beharko du hilaren 8tik 14ra Bezeroen Arreta Zerbitzuan edo 010 telefono zenbakira deituta. Irteera doakoa da, baina plaza mugatuak ditu: 30.
Lapuriturrin, mugan egonda kontuan hartuta, hainbat gertaera historiko izan direla gogorarazi du Ingurumen departamenduak. Informazio puntua apirilaren 1ean ireki zutenetik antolatu duten hirugarren irteera izango da hilaren 15ekoa.
