Dena prest Banakon Urderneed rock taldearen grabaketarako

admin

Bidasoa

2013/05/25

Atzoko argi probako une bat

Ordua iristea baino ez da falta gaur Underneed rock taldeak Banako tabernan grabatuko duen kontzerturako. Duela aste gutxi taldearen bigarren diskoa kaleratu dute It´s always darkest before the dawn izenekoa, eta zuzeneko DVDa grabatu nahi dute orain eta Hondarribiko Banako taberna aukeratu dute horretarako. Eider Roza abeslariak HITZAri kontatu dionez, Banako oso egokia da:”taberna oso ondo dago, oso ondo entzuten da eta argietarako eta, orohar, grabaketa egiteko oso egokia da”. Atzo egun osoa eman zuten musikari eta teknikariak dena prestatzen. Goizeko bederatzietan hasi ziren muntaketa egiten eta gauerdira arte ez zuten bukatu. “Neketsua izan da, baina dena ondo atera da”, esan zuen Rozak. Atzo bi kamerarekin egin zituzten probak baina gaur bost izango direla esan zuen abeslariak, “zirrikitu guztiak harrapatzeko”. Hamalau orduz aritu ziren lanean baina eguzkiaren izpiak izkutatu zirenean egin zituzten argi eta soinu probak. Gaurko kontzertua bezala, atzoko probak ere ate irekiekin egin zituzten eta tabernara sartzen ziren bezeroak harrituta geratu ziren. Luntxa eta odoren kontzertua Gutxi gorabehera 20:30ean hasiko da gaurko kontzertu grabaketa. Lehenago luntxa banatuko dute bertaratzen direnen artean eta ondoren hasiko da Underneed taldearen showa. Abeslariak onartu duenez, hilabeteak daramate gaurko kontzertua prestatzen: “Introak sortu ditugu, abestiak moldatu, argiak asko landu ditugu abesti bakoitzarentzako”. Rozak azaldu zuenez, zuzeneko grabaketa izango da, “egin beharreko proba guztiak gaur [atzo] egin ditugulako”. Taldearen bi diskoetako abestiak joko dituzte gaur baina baliteke moldaketaren bat ere entzutea. Atzo probatu zituzten abestien artean, esaterako, Queen taldearen Under pressure zegoen. 20:30ean hasiko da Underneed taldearen kontzertu berezia Banakon.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Dena prest Banakon Urderneed rock taldearen grabaketarako

Gipuzkoa

Donostiako Karmengo jaietan jasandako «jazarpen poliziala» salatu dute dozenaka herritarrek

Jon Sarasua euskaltzain oso izateko hautagai izendatu dute

Donostiako Piratek bertan behera utzi dituzte abuztuaren 14ko kontzertuak

Memoria historikoari begiratzeko bi proposamen bateragarri egin dituzte Carla Filipek eta Taxio Ardanazek

Uholdeak gertatu aurretik abisu emateko sistema bat sortu dute Pasai Donibanen

Hernani eta Irun lotzen dituen Renfeko tren zerbitzua etengo dute uztailaren 25etik irailaren 6ra

Bergarako eta Zarauzko autoen ikuskapen zentroetan greba mugagabeari eutsiko diote

Beasaingo Urkiola jatetxeak irabazi du Jakitea elkartearen Juan Manuel Garmendia gastronomia saria

Torreko Hodia ikusgai jarriko dute Ekainberrin, duela 12.000 urte grabatutako pieza bat

Deeptek-Gipuzkoa fundazioak programa bat abiarazi du enpresa zientifikoei laguntzeko

Ertzaintzak Donostiako Karmengo jaietan «herritarren aurka erabilitako indarkeria» salatu du EH Bilduk

Donostiako Karmengo jaietan jasandako «jazarpen poliziala» salatu du besta batzordeak