Irunbusen zerbitzuarekin gustura daude irundarrak

admin

2013/05/21

Cristina Laborda, gaur goizean azalpenak ematen

Udalak egin duen inkesta baten arabera, irundarren lautik bostek (%81,7) uste du Irunbus hiri barruko garraio zerbitzua “ona edo oso ona” dela. Hau da, oro har, gustura daude Irunbusen zerbitzuarekin. Gehien baloratu dutena da geltokien hurbiltasuna, autobus aldaketa/hobariak politika, garbitasuna eta autobusen barruan mugitzeko erraztasuna izan dira. Kontra, irundarrek gutxien gustuko dutena autobusen prezioa da (5etik 2,7ko nota jaso du prezioen gaiak). Baina horren azalpena eman du Cristina Laborda Mugikortasun ordezkariak: “Inkesta egin zenean ohiko txartelen igoera egin berri zen. Ekialdebusen txartel bakarraren politikaren barruan. Hala ere, nabaritu dugu Irunbusen zerbitzuaren aldeko jarrera dagoela hiritarren artean. Linea berriak zabaldu zirela urtebete pasatu denean, orain ikerketa kualitatiboagoak egiteko aukera emango digu inkestak”. Labordak aipatu du, inkestaren emaitzetan oinarrituta, Irundik zehar mugitzeko herritarrek egiten duten lehen aukera oinez joatea dela. Bigarrena ibilgailu pribatuarena da: “Aukera hau hartzen dutenen %65 esan du erosotasunagatik aukeratzen dutela autoa”. Aisia eremuetara joateko, erosketak egiteko, edo kudeaketa lanak egiteko aukeratzen dute oinez joatea batik bat irundarrek; autoa, berriz, lanera joateko eta bestelako erosketak egiteko baliatzen dute. Gogoeta ere egin du Labordak: “Garraio publikoa erabiltzen ez dutenek, ez dute hori egiten zerbitzuagatik, baizik eta gure hirian autoz leku batetik bestera joatea erraza delako”. Autobusak erabiltzeko ohitura dutenek, hilean, behin eta 20 aldiren artean egiten dute. Inkestak bi erara egin zituen Irungo Udalak. Apirilaren 15etik 18ra telefono bidezko 250 dei egin zituen, eta hil horretako 15etik 19ra autobus geltokietan bertan egin zituzten inkestak, 301 orotara.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Irunbusen zerbitzuarekin gustura daude irundarrak

Gipuzkoa

Donostiako Karmengo jaietan jasandako «jazarpen poliziala» salatu dute dozenaka herritarrek

Jon Sarasua euskaltzain oso izateko hautagai izendatu dute

Donostiako Piratek bertan behera utzi dituzte abuztuaren 14ko kontzertuak

Memoria historikoari begiratzeko bi proposamen bateragarri egin dituzte Carla Filipek eta Taxio Ardanazek

Uholdeak gertatu aurretik abisu emateko sistema bat sortu dute Pasai Donibanen

Hernani eta Irun lotzen dituen Renfeko tren zerbitzua etengo dute uztailaren 25etik irailaren 6ra

Bergarako eta Zarauzko autoen ikuskapen zentroetan greba mugagabeari eutsiko diote

Beasaingo Urkiola jatetxeak irabazi du Jakitea elkartearen Juan Manuel Garmendia gastronomia saria

Torreko Hodia ikusgai jarriko dute Ekainberrin, duela 12.000 urte grabatutako pieza bat

Deeptek-Gipuzkoa fundazioak programa bat abiarazi du enpresa zientifikoei laguntzeko

Ertzaintzak Donostiako Karmengo jaietan «herritarren aurka erabilitako indarkeria» salatu du EH Bilduk

Donostiako Karmengo jaietan jasandako «jazarpen poliziala» salatu du besta batzordeak