Hondarribiak azken egunean galdu du Gipuzkoako Trainerila Liga

admin

Bidasoa

2013/05/21

Hirugarren sailkatu zen Hondarribia Mutrikuko estropadan

Azkenean ezin izan zen. Aurreko lau jardunaldietan erakutsitako nagusitasuna berretsiz, San Juanek irabazi du Gipuzkoako Trainerilla Ligako azken jardunaldia eta sailkapen nagusia. Hondarribia Arraun Elkarteko (HAE) zazpikoak ligako lehen jardunaldiak irabazi zituen eta lidergoa azken jardunaldira arte mantentzea lortu zuen, baina duela hilabete eta erditik San Juanek astebururo tartea nola jaten zien ikusiz joan dira eta, larunbatean, lidergoa eskuz aldatu zen, Mutrikun jokatutako azken proban. San Juan izan zen garaile Mutrikun eta Hondarribia hirugarren sailkatu zen, San Pedroren atzetik. Sailkapen nagusian sanjuandarrek bukatu dute lehen postuan eta Hondarribia bigarren, puntu bakarrera.

Gipuzkoako Trainerila Liga. Azken sailkapena

San Juan. 70 puntu.
Hondarribia. 69 puntu.
Orio. 63 puntu.
San Pedro. 58 puntu.
Getaria. 42 puntu.
Zarautz. 31 puntu.
Zumaia. 27 puntu.
Donostiarra. 26 puntu.
Mutriku. 11 puntu.

Eta igandean Gipuzkoako Txapelketako finala jokatu zuten, larunbatekoak ligarako eta txapelketako finalera sailkatzeko balio baitzuen. Hor ere sanjuandarrak nagusitu ziren nagusietan, arrosen eta berdeen arteko lehia estuaren ondoren. Donibanekoek berdeek baino segundu eta erdi gutxiago behar izan zuten ibilbidea burutzeko. Aulki mugikorrekoak, berriz, Bordeleko Nazioarteko Estropadetan hartu zuten parte. 80 arraunlari eraman zituen HAEk, 40 ontzi ingurutan banatuta. Hondarribiarrek emaitza onak lortu zituzten berdeek: urrezko hiru domina (gizon kadeteen zortzikoan, eta emakume nagusien zortzikoan eta laukoan) eta zilarrezko bat (emakume kadeteen laukoan). Euskadikoa, etxean Datorren asteburuan mendekurako aukera izango dute arraun elkartekoek, larunbat eta igandean etxean jokatuko baita Euskadiko Trainerila Txapelketa. Larunbatean sailkapen probak egingo dituzte, 12:00etatik aurrera eta, igandean, finalak, 11:30ean. San Juan eta Hondarribiarekin lehian bizkaitar ontziak ariko dira; Bermeo izan da Bizkaiko txapelkduna, Kaiku eta Zierbenaren aurretik.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Hondarribiak azken egunean galdu du Gipuzkoako Trainerila Liga

Gipuzkoako Trainerila Liga. Azken sailkapena

Gipuzkoa

Donostiako Karmengo jaietan jasandako «jazarpen poliziala» salatu dute dozenaka herritarrek

Jon Sarasua euskaltzain oso izateko hautagai izendatu dute

Donostiako Piratek bertan behera utzi dituzte abuztuaren 14ko kontzertuak

Memoria historikoari begiratzeko bi proposamen bateragarri egin dituzte Carla Filipek eta Taxio Ardanazek

Uholdeak gertatu aurretik abisu emateko sistema bat sortu dute Pasai Donibanen

Hernani eta Irun lotzen dituen Renfeko tren zerbitzua etengo dute uztailaren 25etik irailaren 6ra

Bergarako eta Zarauzko autoen ikuskapen zentroetan greba mugagabeari eutsiko diote

Beasaingo Urkiola jatetxeak irabazi du Jakitea elkartearen Juan Manuel Garmendia gastronomia saria

Torreko Hodia ikusgai jarriko dute Ekainberrin, duela 12.000 urte grabatutako pieza bat

Deeptek-Gipuzkoa fundazioak programa bat abiarazi du enpresa zientifikoei laguntzeko

Ertzaintzak Donostiako Karmengo jaietan «herritarren aurka erabilitako indarkeria» salatu du EH Bilduk

Donostiako Karmengo jaietan jasandako «jazarpen poliziala» salatu du besta batzordeak