Pago motzak kimatuko dituzte larunbatean

admin

Bidasoa

2013/05/06

Txondorra pizteko jaia egin zuten iazko abenduan Arditurrin

Larunbat honetan (hilak 11) Antonsoroko pago motzak kimatuko dituzte eta ateratako egurra txondorra egiteko baliatuko dute. Hitzordua Kausoron jarri dute, 16:30ean eta hortik Antonsorora joango dira (20 minutuko ibilbidea). Pago motzen mozketa “iraunkortasun printzipioak” jarraituz egingo dute, hau da, eskuz eta mandoak baliatuko dituzte egurra garraiatzeko eta gidari lanetan herriko ikazkinak arituko dira. Albaola elkarteko Alvaro Ruano eta Mikel Leoz ere bertan izango dira eta basogintzaren inguruko azalpenak emango dizkiete bertara hurbiltzen den orori. Bi ordu iraungo du saio osoak. Azaroaren 23an txondorra piztuko dute Arditurrin eta horretarako erabiliko dute, hain zuzen, larunbatean aterako duten egurra. Abenduaren 24an, berriz, Oiartzungo Olentzeroren Laguntzaileek ikatza atera eta plazara eramango dute. Oiartzungo Udala, Gipuzkoako Parketxe Sarea eta Gipuzkoako Foru Aldundia garai bateko ikazkinen lana berreskuratzeko ahalegina egiten ari da Life+ Natura izeneko proiektuaren bidez. Horren barruan sartzen da larunbateko kimaketa saioa.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Pago motzak kimatuko dituzte larunbatean

Gipuzkoa

Taxilariek zerbitzua etengo dute Donostian gaur arratsaldean

KASeko kideak alfonbra gorrian ibili dira erosketa orgekin

Gipuzkoako zahar etxeetako langileek «propaganda» egiteari uzteko eta baliabideak jartzeko eskatu diote aldundiari

Donostiako Udalak 502 milioi euroko aurrekontua aurkeztu du 2027rako, %1,2 handiagoa

Tsai Ming-Liang zinemagilearen erakusketa bat ireki du Tabakalerak, ibili ahala inguruari erreparatzeko

Pasaiako portuan saihesbide bat egitearen alde agertu dira alderdiak, titulartasunaren gatazkak gorabehera