Langabezia, ia berdin
Apirilaren bukaerako langabezia datuak eman ditu Bidasoa Bizirik-ek, Lanbideren datuetan oinarrituta. Apiril osoan zehar bi pertsonatan jaitsi da langabezia Oarsoaldean eta Bidasoan. Zehazki: bi pertsona horiek Bidasokoak dira, Oarsoaldean berdin-berdin mantendu delako tasa. Horrela, Bidasoan apirilaren azken egunean, 6.547 pertsona zeuden lanik gabe (%17,88ko tasa), eta 5.818 Oarsoaldean (%16,96). Gipuzkoako bi tasarik handienak dira.
2012ko apirilaren bukaerako datuekin alderatuta, ordea, bada alderik. Iazko epe horretan 5.956 pertsona zeuden lanik gabe Bidasoan, eta 5.279. Hau da, iaz baino 1.130 pertsona gehiago daude egun lanik gabe.
Gipuzkoan 200 pertsona pasatxotan jaitsi da langabezia azken hilabetean. Denera, 50.268 pertsona daude lanik gabe (iazko apirilaren bukaeran 45.385 ziren), eta tasa orokorra %14,84koa da.
