Maiatzaren 4an irteera egingo dute Aiako Harrian hegaztiak begiztatzeko
Aste Santuan egin behar zen baina eguraldi txarragatik atzeratu zuten eta maiatzaren 4an egingo dute hegaztiak begiztatzeko irteera Lapurriturritik, Irungo Udaleko Ingurumen departamentuak eta Behemendi Landa Garapenerako Elkarteak antolatuta. Irteera doan da baina ezinbestekoa da aldez aurretik izena ematea, Irungo HAZ bulegoan, 010 telefono zenbakian edo irun.org webgunean. Maiatzaren 3a baino lehen eman behar da izena eta, gehinez, hogei laguneko taldea osatuko da.
Irteeran, hegaztietan aditu den pertsona batek gidatuko du ibilbide eta, parte hartzaileei, hegaztiak bereizten jakiteko azalpenak emango dizkie, ikusiaz zein entzunez. Aiako Harriko ohiko txori eta hegaztiez gain, migrazioan eskualdea zeharkatzen duten batzuk ezagutzeko aukera izango da.
Maiatzaren 4ko ibilbidearen irteera Lapurriturriko Informazio Gunean izango da, 09:00etan. 2006an ireki zuten Lapurriturriko etxola, parke naturalera joaten direnei informazioa emateko helburuarekin. Iaz 700 bisitari eman zien zerbitzu eta beste 150 pertsonek parte hartu zuten bertatik antolatutako ekitaldietan.
Lapurriturriko Informazio Gunea apirilaren 1etik irailaren 30era irekitzen da, asteburuetan, 10:00etatik 14:00etara.