Hiruzta eta Hiruzta Berezia txakolinak sei gazta motekin dastatzeko aukera izango da maiatzaren 4an eta 18an. Dasta Gazta ekimena deitu diote Hiruzta Upategikoek eta horren haritik hainbat adituk parte hartuko dute: Miriam Uranga zentzumenezko analisian adituak eta Laura Zabaleta gazten teknologian adituak.
Bi adituek txakolin mota bakoitzaren zein gazta uztartzen den hoberen azalduko dute. Aroma, izaera eta zapore nahasketak dastatuko dituzte parte hartzaileek, kontrastedunak nahiz osagarriak.
Ekimenean parte hatzeko 20 euro ordaindu behar dira eta horren barruan sartuko da upategiaren bisita eta uztartze karta. 12:00etan hasiko dira, bisita gidatuarekin eta ondoren dastaketa egingo dute. Ordu eta erdi iraungo du eta 15 lagunentzako tokia izango da.
Interesdunek 943 64 66 89 telefono zenbakira deitu behar dute edo
info@hiruzta.com helbidera idatzi tokia erreserbatzeko.