Olazabalek mozketan aurrera egin du Augustan
Txema Olazabal golfista hondarribiarrak mozketan aurrera egin du Augustako Mastersean. Hori zen Olazabalen helburua eta bete du, osteguneko ibilbidean 74 kolpe eman (+2) eta atzoko jardunaldian zelaiko parea bete eta gero. Osteguneko eta ostiraleko jardunaldiaren ostean 61 jokalari sailkatu ziren, azkenak 4 kolpe zelaiaren paretik gora (+4) egin zuelarik.
Lehen jardunaldia ez zen oso ona izan Olazabalentzat, eta +2ko txartela sinatu zuen, bi birdie eta lau boogie egin ostean. Atzo zelaiaren parea bete zuen (72 kolpe), hiruna birdie eta boogierekin, eta mozketan aurrera egitea lortu zuen. Une honetan, 43. tokian sailkatuta dago Olazabal (+2). Jason Day australiarra da behin behineko liderra, parearen azpitik 6kolperekin.
