GI-2134 errepidearen zati bat itxiko dute bihar zuhaitzak inausteko
Oiartzungo Arragua auzotik Irungo Katea auzora (suhiltzaileen biribilgunera) doan GI-2134 errepidea itxiko dute bihar, apirilaren 13an, bide bazterrean dauden zuhaitzak inausteko. 4,5 eta 7,0 kilometro puntuen artean egongo da itxita, 07:00etatik 18:00etara.
Errepide horren ordez, Katea auzora joateko GI-636 errepidea erabili beharko da, eta Gurutze auzora joateko, berriz, GI-3632 errepidea, Arkaletik barrena. Desbideratzeak seinalatuta egongo dira.
