Hamabostekaria izango da aurrerantzean 'Irunero' aldizkaria

admin

2013/04/08

Ane Grijalba eta Fernando San Martin Irunero-ren xehetasunak ematen

Irungo Udalak jakinarazi du Irunero aldizkariak fase berria hasi duela. Paperezko edizioa hamabostero kaleratuko dute, eta webgunea astero berrituko dute. 16 orrialdekoa izango da, eta 3.500 aleko tirada izango du. Hasteko, hiriko 100-110 lekutan hartzeko aukera izango da, baina aurrerago harpidetza bidez, ordainduta, etxeko postontzian jasotzeko aukera izango da. Euskara hutsezkoa izaten jarraituko du Irunero-k. Udalaren diru laguntza du hamabostekariak. Hilaren 2an publikatu zuten fase berri honetako lehen zenbakia. Goizean eman dituzte azken berritasunen xehetasunak Fernando San Martin udaleko Euskara ordezkariak eta Ana Grijalba aldizkariaren zuzendariak. Grijalbak aipatu du Irunero-k iritziak, berriak eta elkarrizketak, kirolaren txokoa, argazki zaharrentzako tokia nahiz hezkuntza ikastetxeentzako ikasleentzat tartea izango duela, informazio praktikoa, euskararen agenda, iragarkiak eta agenda izateaz gain. San Martinen arabera, “udalaren erronketako bat” izan da euskara hutsezko aldizkaria bultzatzea. Hala, Euskara ordezkariak zehaztu du euskara hutsezko agerkarien artean Plazara izan zela lehena, 1985etik 1992ra. 1994an hasi ziren argitaratzen lehenik Irunero, 2012ko urtarrilera arte. Urte pasatxoko etenaldiaren ondoren berriz ere kalean da.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Hamabostekaria izango da aurrerantzean 'Irunero' aldizkaria

Gipuzkoa

Donostiako Bagera euskaltzaleen elkartea omenduko dute piratek

Gipuzkoako Soziometroaren arabera, EH Bilduk irabaziko lituzke foru hauteskundeak, baina EAJk eta PSE-EEk gehiengo osoa lortuko lukete

BDZk salatu du Gipuzkoako enpresa batek eraikuntzako 3,68 tona material esportatu dituela Israelera

Erromatarrak bueltan dira

Gipuzkoako egoitzetan bizi diren lau lagunetik hiruk uste dute bizi kalitate ona dutela

Aiako txaleta eraisteko agindua berretsi du Auzitegi Gorenak

Eusko Jaurlaritzako Segurtasun Sailak salatu du futbol partida bateko epaile bati jazarri diotela ertzaina izateagatik

Zahar etxeetako gatazkari irtenbidea emateko eskatu dio ELAk Gipuzkoako Foru Aldundiari

Berastegi, Berrobi eta Elduain Tolosarekin lotzeko autobus zerbitzua indartuko du Gipuzkoako Foru Aldundiak