Larunbatean argiak itzaltzera deitu du Errenteriako Udalak
Planetaren orduarekin bat egin du Errenteriako Udalak beste urte batez, eta larunbatean, 20:30etik 21:30era, udaletxeko argiak itzaliko dituzte. Era berean, herritar guztiei eskatu diete euren etxeko argiak ere itzaltzeko. Ekimen horrek zazpi urte beteko ditu aurten, eta horren asmoa energia gutxiago gastatuta ingurumena babestea da.
Duela urtebete 150 herrialdetako 700 hirik itzali zuten monumentu nagusi eta eraikin esanguratsuenetako argiak, eta horrekin bidali nahi zuten mezua izan zen keinu sinbolikoetatik hasita, aldaketak lor daitezkeela urte osoan zehar konpromiso globala erakutsiz gero.
Aurtengo erronka pertsona, enpresa, erakunde eta ikastetxeek energia erabiltzeko garaian eraginkorrago eta autosufizienteago izatearen aldeko apustua egin eta energia garbiak erabiltzea sustatzea da; “era horretan, planetaren CO2ren emisio mailak murriztea lortzeko”.
