'Bypass' filma emango dute gaur Itsas Etxean, euskaraz

admin

Bidasoa

2013/03/15

Bypass filmeko fotograma bat

Gaur arratsaldean Itsas Etxea Auditoriumak euskarazko zinemari lekua utziko dio. Bypass film luzea emango dute, 20:00etatik aurrera. Sarrerak ordubete lehenagotik erosteko aukera izango da, 3 euroan. 2012an Patxo Telleriak eta Aitor Mazok zuzendutako komedia erromantikoa da. Bartzelonan eta Erandion (Bizkaia) grabatua, Hodeiak margotzeko makina filmaren ondoren, zuzendari bikotearen bigarren filma da. Grabatzerakoan Nemekitepá hautatu zuten filmaren izenburutzat Jacques Brelen Ne me quitte pas abestian oinarrituta, baina estreinaldirako izena aldatu zioten, eta Bypass titulatu zuten. Sinopsia: Xabi (Gorka Otxoa) Bartzelonan bizi da neskalagunarekin (Barbara Goenaga). Egun batean, Maria (Sara Cozar), bere adiskide bat, hilzorian dagoela eta berarekin maiteminduta dagoela esaten diote. Orduan, Xabik erabakitzen du Mariari maite duela esatea, bere lagunaren azken egunak gozoagoak izan daitezen. Baina kontua da ezusteko albiste horri esker Mariak ustekabean sendatzea lortzen duela eta Xabirekin harreman formala izan nahi duela. Medikuek Xabiri esan diote edozein albiste txar hilgarria izan daitekeela Mariarentzat, eta, orduan, harekin maiteminduta dagoen itxurak egiten jarraitzea erabakitzen du.

Fitxa teknikoa

Izenburua: Bypass.
Urtea: 2012.
Iraupena: 98 min.
Zuzendariak: Aitor Mazo, Patxo Telleria.
Gidoia: Patxo Telleria.
Aktoreak: Gorka Otxoa, Barbara Goenaga, Sara Cozar, Mikel Losada, Itziar Atienza, Aitor Mazo, Unax Ugalde…

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

'Bypass' filma emango dute gaur Itsas Etxean, euskaraz

Fitxa teknikoa

Gipuzkoa

Gipuzkoako Soziometroaren arabera, EH Bilduk irabaziko lituzke foru hauteskundeak, baina EAJk eta PSE-EEk gehiengo osoa lortuko lukete

BDZk salatu du Gipuzkoako enpresa batek 3,68 tona eraikuntza material esportatu dituela Israelera

Erromatarrak bueltan dira

Gipuzkoako egoitzetan bizi diren lau lagunetik hiruk uste dute bizi kalitate ona dutela

Aiako txaleta eraisteko agindua berretsi du Auzitegi Gorenak

Eusko Jaurlaritzako Segurtasun Sailak salatu du futbol partida bateko epaile bati jazarri diotela ertzaina izateagatik

Zahar etxeetako gatazkari irtenbidea emateko eskatu dio ELAk Gipuzkoako Foru Aldundiari

Berastegi, Berrobi eta Elduain Tolosarekin lotzeko autobus zerbitzua indartuko du Gipuzkoako Foru Aldundiak