Leka Eneak 23z azpiko Espainiako Txapelketa irabazi du
Otsailaren 23tik martxoaren 3ra Pontevedran (Galizia) egin zen Espainiako Mahai Tenis Txapelketan lehen postua lortu zuen Irungo Leka Eneak taldekako 23z azpiko kategorian. Irundarrek San Sebastian de los Reyes taldea menderatu zuten finalean (3-2).
Adin berean, Endika Diez Irungo taldeko gasteiztarra bigarren geratu zen eta, nesketan, Patricia Fernandezek brontzea jantzi zuen, finalerdietan txapeldun izango zenarekin galdu eta gero.
Nagusietan errepikatu zuen Fernandezek
Nagusietan, Irungo neskek txapelketa zoragarria egin zuten eta, ezustean, Paula Bueno eta Patricia Fernandez hirugarren geratu ziren binakako Espainiako Txapelketan. Hala, Fernandezek bi brontzezko domina jantzi zituen joan den asteburuan Galizian, gazteen banakakoan eta helduen biko lehian.
