Gazte Eguna egingo dute larunbatean Hendaiako Merkatu Zaharrean, lehen aldiz
Hendaitz, Hendaiako Gazte Asanbladak Gazte Eguna 1.0 antolatu du larunbaterako, hilaren 9rako. Egun osoko festa izango da eta, besteak beste, hitzaldiak, bertsolariak, musika eta umorezko saioak izango dira.
Bazkaria ere egingo dute, 10 euroan. Erretserba egiteko telefono hauetara deitu behar da: 0659 09 18 85 (Lapurditik) edo 655 99 52 36 (Gipuzkoatik).
Bazkarirako txartela erosten duenak kontzertuetara merkeago sartzeko aukera izango du, 13 euroagatik guztira. Bestela, kontzertuetara soilik doazenek 5 euro ordaindu beharko dituzte.
Egitaraua
- 10:30ean, Iparraldeko gazte mugimendu berriaren inguruko hitzaldia, Merkatu Zaharrean. Otsailaren 2an Ezpeletan egin zen gazte eguneko bilduma eta bertan egin ziren eztabaiden ondorioak aipatuko dira.
- 12:00etan, euskal preso eta iheslarien aldeko txistulari diana, herrian zehar.
- 14:00etan, herri bazkaria Merkatu Zaharrean eta, kafearekin batera, Jonny Platz komikoaren monologoa. Bazkariko txartela 10 euroan.
- 18:00etan, triki-bertso poteoa ostatu desberdinetan herria animatuz, trikitilari eta bertsolariekin. Bertsolari lanetan, Amets Arzallus eta Miren Artetxe ariko dira.
- 20:00etatik aurrera, kontzertuak: Imuntzo eta Beloki, Hurmurao eta Bad Sound System. Sarrera bost euroan.
