Belasko Enea ikastetxeak Lipdub-a grabatu du 'Eskuetan' abestiarekin
Irungo Belasko Enea Haur eta Lehen Hezkuntzako ikastetxeko ikasle, irakasle eta langileek lipdub-a egin dute haien eskola nolakoa den erakusteko. Horretarako, Pirritx, Porrotx eta Mari Motots pailazoen Zazpikoloroa diskoan agertzen den Eskuetan abestia baliatu dute. Musika Xabier Zabalarena da eta letra Jon Maia bertsolariarena. Eskolako musika irakasle Pili Anuncibayk zuzendu du bideoaren grabaketa.
