Iberiaren greba erabatekoa izan da Hondarribiko aireportuan

admin

Bidasoa

2013/02/22

Iberiako langileak goizean, aireportuko pasiloetan manifestazioa egiten

Gaur amaitu da Iberiako langileek egin duten bost egunetako greba. Hondarribiko aireportuan ere astelehenean hasi zuten protestaldia, enpresak egin nahi dituen kaleratzeak salatzeko. Egunero elkarretaratzeak egin dituzte eta, Espainiako Sustapen Ministerioak ezarritako zerbitzu minimoak goitik behera bete dituzten arren, greba erabatekoa izan dela esan dute langileek: “Langile batek ezik, beste guztiek egin dugu greba”, esan dio HITZAri arranpan lan egiten duen Peio donostiarrak: “Zerbitzu minimoak gehiegizkoak izan dira, baina aireportu txikia gara eta errespetatzea besterik ez zaigu geratu. Adibidez, arranpan lau baldin bagara, bi izan dira lanean”. Grebalariek zerbitzu minimoak errespetatu dituztenez, bidaiariekin ez da inolako arazorik sortu. “Iberia eta agentziak telefonoz ibili dira deika bidaiariei eta bertan behera geratutako hegaldietako bidaiaririk ez da izan. Graba Estatu mailako izanik, negoziazioak Madrilen egiten ari dira, baina jarrerak oso urruti daude, “enpresak ez duelako negoziatu nahi”. Gauzak horrela, martxoaren 4tik 8ra greba deitu dute berriro Iberiako langileek. “Hondarribian bi mekaniko eta administrazioko, fakturazioko lanpostu bat daude arriskuan. Lau katu gara eta hiru kentzen badituzte, lan karga izugarria izango dugu. Argi dago Iberiak ibilbide luzeko hegaldiekin geratu nahi duela eta beste guztia salbu, eta kaleratze hauek horren adibide besterik ez dira”. Astelehenetik egunero egin duten bezala, gaur ere, zarata ateratzen aritu dira grebalariak, haien aldarrikapenak agertzeko, eta martxoaren 4tik 8ra gauza bera egingo dutela uste du Peiok: “Arbitraje bat jarri dute baina ezertarako, komunikabideeei begira egin dute”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Iberiaren greba erabatekoa izan da Hondarribiko aireportuan

Gipuzkoa

Maixabel Lasari emango diote aurten Gipuzkoako Urrezko Domina

Hondarribiko Udalak kereila penal bat aurkeztu du Zaldunborda auziko dokumentazioa iker dadin

Xabier Morras, margoz emandako lekukotasuna

Yurrita e Hijoseko hamabi langile kaleratu dituztela salatu dute

Jarindo parke eolikoa egiteari uko egin dio Green Capital Powerrek

Bergarako eta Zarauzko IATetako lan gatazkan esku hartu dezala eskatu diote Jaurlaritzari

‘Superra’-ren aurrestreinaldia Azpeitian egingo dute, hilaren 28an

Xabi Alonsoren Igeldoko txaleta legezkoa dela ebatzi du EAEko Auzitegi Nagusiak

Irungo atxilotuen kasua «Poliziaren jukutriatzat» jo du Askek

Eusko Jaurlaritzak Bentaberriko babes ofizialeko 510 etxebizitzak erosiko dizkio Blackstone funtsari

Jon Insaustik esan du Donostian atzo etxegabetu behar zuten familiari «bizitoki bat» eskainiko diotela

Donostiako Antondegi eremuak landa izaerari eutsi behar diola defendatu du Antondegi Berdeak

Gipuzkoako baso suhiltzaileek salatu dute foru aldundiak zenbait zerbitzu eten dituela, baso suteen «arrisku handiko» sasoi betean