Donibaneko Alabortzak badu aurreproiektua

admin

Bidasoa

2013/02/22

Azken Alabortza Eguna 2012ko ekainaren 16an egin zuten

Sanjuandarrek Alabortzarako zein aurreproiektu nahi duten erabaki dute, udalarekin batera abian jarritako parte hartze prozesuaren ondorio bezala. Finean, Donibaneko eremu hori herritarren erabilerarako eta aisiarako egitasmoa da herritarrek udaleko zerbitzuekin batera adostu, eta onartu zutena. Hilaren 16an eman zioten sanjuandarrek baiezkoa arkitektoak, herritarren ekarpenekin, egindako aurreproiektuari. Laburbiduz, honakoak jaso dituzte egitasmo horretan: inguru hori ahalik eta garbien mantendu behar da: bertan izen kai zaharraren arrastoak baliatu behar dira; hondartzako harriak kendu behar dira; irisgarritasuna hobetu behar da; oinarrizko zerbitzuak (dutxak, hondakinentzako ontziak eta bestelakoak) jarri behar dira. Orain, beraz, beste fasean sartu da Alabortzarako egitasmoa. Izan ere, herritarrek eta udalak adostu dute zer egin nahi duten bertan, baina orain zonalde horren gainean eskumena duten erakundeek (Jaurlaritzak, aldundiak, Itsasoko Kapitaniak, Portu Agintaritzak, Urak erakundeak eta Itsasertzen mugaketa arduradunak) baiezkoa eman behar diote egitasmoari, hala nahi badute ekarpenak eta zuzenketak iradokiz. Udalak erakunde horiei datozen egunetan igorriko die egitasmoa, eta prozesu hori bukatzen denean egikaritze egitasmoa idatziko da. Sanjuandarrek aspalditik daramate Alabortzako herritarren erabilerarako izan dadin eskatzen, zonaldea biziberritzea eskatzen, alegia. Besteak beste, hori eskatzeko, Alabortza Egunak egin dituzte Bonantza Auzo Elkartearen ekimenez. Udalak, aldundiarekin egindako hitzarmenari esker, diru partida lortu zuen hura berrantolatzeko, eta egindako parte hartze prozesuaren ondorioz jada sanjuandarrek erabaki dute zer egin nahi duten bertan.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Donibaneko Alabortzak badu aurreproiektua

Gipuzkoa

Donostiako Bagera euskaltzaleen elkartea omenduko dute piratek

Gipuzkoako Soziometroaren arabera, EH Bilduk irabaziko lituzke foru hauteskundeak, baina EAJk eta PSE-EEk gehiengo osoa lortuko lukete

BDZk salatu du Gipuzkoako enpresa batek eraikuntzako 3,68 tona material esportatu dituela Israelera

Erromatarrak bueltan dira

Gipuzkoako egoitzetan bizi diren lau lagunetik hiruk uste dute bizi kalitate ona dutela

Aiako txaleta eraisteko agindua berretsi du Auzitegi Gorenak

Eusko Jaurlaritzako Segurtasun Sailak salatu du futbol partida bateko epaile bati jazarri diotela ertzaina izateagatik

Zahar etxeetako gatazkari irtenbidea emateko eskatu dio ELAk Gipuzkoako Foru Aldundiari

Berastegi, Berrobi eta Elduain Tolosarekin lotzeko autobus zerbitzua indartuko du Gipuzkoako Foru Aldundiak