Maitasunari lotutako saioa izango da
Baiona Euskal Kostaldea Eskualdeko Orkestrak (BEKEO)
Maitasunaz hitz egidazu goiburuko emanaldia eskainiko du gaur arratsaldean Hendaiako Varietes aretoan, 20:30ean hasita. San Balentin egunaren karietara, emanaldi berezia izango da, musika, dantza eta antzerkia uztartuko baitituzte, ordu eta 20 minutuko iraupena izango duen saioan.
BEKEOk Herriko Etxearen laguntzarekin prestatu du gaurko ekitaldia eta Herriko Etxetik azaldu dutenez, maitasunak artistengan sortzen duen inspirazioa izango du oinarrian. “Garai guztietan, maitasuna inspirazio iturri agorrezina da artista anitzentzat. Haien obra edo gutun sutsuen bitartez, alderdi anitzeko prisma hau esplora dezagun: batzuetan zauritzen gaitu, beste batzuetan handitzen gaitu, baina aldi oro gure burua ezagutarazten digu. Hiru musikari, kantari bat, dantzari bat eta antzezlari bat, elkar gurutzatzen, galtzen, topatzen… Haien musikaz, gorputzez eta ahotsez, kontatuko digute betiko ezezaguna zaigun ‘besteari’ lotzen gaituena, bai eta ispilurik harrigarriena eskaintzen diguna: ‘maitatu’ aditza”.
Musikariak: Arnaud Aguergaray (biolina), Yves Bouillier (biolontxeloa), Damaris Alsunard (pianoa), Amandine Bousquet (abeslaria), Fabrice Loubatieres (dantzaria) eta Kattalin Dalat (antzezlaria).
Programa:
Biolin, biolontxelo eta piano hirukoteak:
- Schubert: 2. op. 100, 2. mugimendua.
- Brahms: 1. mugimendua.
- Chostakovitch: 2., 3. mugimendua.
- Schumann: 1., 2. mugimendua.
Sonatak:
- Rachmaninov: 3. mugimendua, biolontxelo eta pianorako.
- Ravel: 3. mugimendua, biolontxelo eta pianorako.
- Satie: 5. Gnossienne, piano bakarrarentzat.
- Ligeti: Preludioa biolontxelo bakarrarentzat.
Kantuak:
- Feron: Poèmes à Lou.
- Britten: 7 sonnets de Michel Ange.
- Offenbach: Extraits d’opérette.
- Poulenc: Gounod.
- Granados: La Maja dolorosa.
Testuak: Louis Aragon, Pablo Neruda, Apollinaire, sanskrito testu zatiak (Roi Salomon, Rainer Mari Rilke, James Joyce, Juliette Drouet eta Victor Hugo-ren arteko gutunak, Constant eta Gabrielle M.).