Parekidetasunean eragiteko ipuinak ostegunean, Oiartzunen

Ostegunean, lau eta zortzi urte arteko haurrentzako ipuin kontaketa saioa izango da Manuel Lekuona Bibliotekan, 17:30ean. Oraingo honetan, saioa Maite Franko ipuin kontalariak eskainiko du. Filomena musugorri errege eta beste ipuin batzuk kontatuko ditu Frankok. Saioaren helburua parekidetasunean eragitea da, udalak jakinarazi duenez: “Sexu-rolen banaketa kili-kolo jarriko dira ipuinen bidez eta gizon zein emakumeen eskubide eta eginbeharren arteko berdintasuna bultzatuko du. Parekidetasuna lantzen ttiki-ttikitatik hasi behar da, gure seme-alabak direlako etorkizuneko helduak eta gizon-emakumeen arteko berdintasun erreala izango duen jendarte bat eraikitzeko eta izateko nahitaezkoak dira”. Maite Franko ipuin kontalari esperientziaduna da, hezkuntzan eta parekidetasunaren arloan ere aritzen dena: Hernaniko eta Zarauzko ikastetxeetan lantzen diren Berdinola I eta II programen egile eta arduraduna da. Gurasoentzako www.ttiklik.com webgunean ere kolaboratzen du.
Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.