Langabeek enplegu duina aldarrikatu dute
Gaur goizean Oarsoaldeko Langabeen Batzarrak elkarretaratzea egin du Beraungo Lanbideren bulegoaren atarian. 30 inguru lagun bildu dira langabeziaren egoera salatu, Lanbideren efizientzia zalantzan jarri eta enplegu duina aldarrikatzeko. Oarsoaldea langabeziak gehien kolpatu duena izan dela gogorarazi dute, eta dagoeneko 5.500 etik gora direla. 2012ko abenduko datuen arabera, Errenteria-Oreretan 3.172 langabe daude, Oiartzunen 564, Pasaian 1.306 eta Lezon 479.
