Martxoaren 23ko 23:31an iritsiko da Korrika Oarso Bidasora
Hamazazpigarren Korrika Irundik pasatu zeneko irudia
- 23:31an Antxora iritsiko da, Donostiako Altza auzotik.
- Antxoko barrutia zeharkatu ondoren, Trintxerpe aldera joko du Korrikak, eta 00:07an iritsiko da San Pedrora.
- Motoran zeharkatuko du Pasaiako badia Korrika; 00:16an hartuko dute lekukoa sanjuandarrek.
- Donibanetik Lezorako bidea hartuko du euskararen aldeko lasterketak: 00:31n iritsiko da Lezora.
- Lezotik, Errenteria-Oreretara: 00:45ean iritsiko da Oarsoaldeko herri handienera.
- 01:27an, oiartzuarren txanda. Handik, Gurutzetik, Irun alderako bidea hartuko du, hiria zeharkatu eta Hondarribira iristeko.
- 03:06: hondarribiarrek eutsiko diote Korrikaren lekukoari.
- 03:45: Irunen sartuko da hemezortzigarren Korrika, eta Lapurdirako bidea hartuko du, Hendaiara iristeko
- 04:11n, Hendaiara iritsiko da lasterketa herrikoia, eta 05:16an Urruñako erdigunea zeharkatuko du.
