Ander Lizarralde artistikoki biluztuko da
Proiektu berria jarri du martxan Ander Lizarralde bertsolariak, Unai Muñoa bertsolariarekin eta Imanol Kamio eta Aitor Atxega musikariekin batera: Ez gara Palestinaz ari. Musika, bertsoak, antzerkia eta poesia biltzen ditu obrak, eta bertsolariek euren burua biluzten dute, artistikoki. Eguerdian aurkeztu dute Donostiako Koldo Mitxelena Kulturunean.
Larunbat honetan, otsailaren 2an, aurkeztuko dute Andoaingo Bastero Kulturgunean, 20:00etan. Oiartzunen, martxoaren 1ean eskainiko dute saioa, udaletxean. 22:00etan izango da.
