Eleak Mugimenduak etzirako deitu duen manifestazioarekin bat egin du eta “elkartasuna” eta “babes osoa” adierazi die Errenteria-Oreretako bost gazte auzipetuei. Atzo arratsean egindako agerraldi jendetsuan, bost gazte oreretarren lana “zilegia” izateaz gain, “guztiz beharrezkoa eta eredugarria” dela esan zuen Aitzol Perez de San Roman ezker abertzaleko kideak, eta horren harira, “jazarpen edo urraketa ororen gainetik, Euskal Herriaren eraikuntza nazionalaren eta konponbide demokratikoaren alde lanean” jarraitzeko ezker abertzaleak duen konpromisoa berretsi zuen.
Halaber, Oreretako bost gazteen kontrako epaia bezalakoekin, jendartearen artean “pasibotasuna” eta “etsipena” ezarri nahi izana leporatu zion estatuari Oarsoaldeko ezker abertzaleak. Halakoei aurre egiteko Herri harresi “sendoa” eraikitzera deitu zituen herritarrak Perez de San Romanek, “herri honen etorkizuna euskal herritarren esku gera dadin. Eskubide zibil eta politikoen urraketa oro ezabatuz soilik lortuko baitugu, herri hau bake eta konponbide bidean jartzea”.
Auzipetutako bost gazteei, zein beraien lagun eta senideei “elkartasun osoa” adierazi zien Oarsoaldeko ezker abertzaleak, gainera, eta “jardun politiko eta militantea burutzeagatik” egoera berean aurkitzen diren euskal gazte guztiei zabaldu zien babes hori.
Eleak Mugimenduak etzirako deitu duen manifestazioarekin bat egin du eta “elkartasuna” eta “babes osoa” adierazi die Errenteria-Oreretako bost gazte auzipetuei. Atzo arratsean egindako agerraldi jendetsuan, bost gazte oreretarren lana “zilegia” izateaz gain, “guztiz beharrezkoa eta eredugarria” dela esan zuen Aitzol Perez de San Roman ezker abertzaleko kideak, eta horren harira, “jazarpen edo urraketa ororen gainetik, Euskal Herriaren eraikuntza nazionalaren eta konponbide demokratikoaren alde lanean” jarraitzeko ezker abertzaleak duen konpromisoa berretsi zuen.
Halaber, Oreretako bost gazteen kontrako epaia bezalakoekin, jendartearen artean “pasibotasuna” eta “etsipena” ezarri nahi izana leporatu zion estatuari Oarsoaldeko ezker abertzaleak. Halakoei aurre egiteko Herri harresi “sendoa” eraikitzera deitu zituen herritarrak Perez de San Romanek, “herri honen etorkizuna euskal herritarren esku gera dadin. Eskubide zibil eta politikoen urraketa oro ezabatuz soilik lortuko baitugu, herri hau bake eta konponbide bidean jartzea”.
Auzipetutako bost gazteei, zein beraien lagun eta senideei “elkartasun osoa” adierazi zien Oarsoaldeko ezker abertzaleak, gainera, eta “jardun politiko eta militantea burutzeagatik” egoera berean aurkitzen diren euskal gazte guztiei zabaldu zien babes hori. 
