Italee Lucas eskoltak ordezkatuko du Lindsay Harris

admin

Bidasoa

2013/01/14

Lucas, North Carolina taldeko elastikoarekin

Hondarribia-Irun saskibaloi taldeak Italee Lucas estatubatuarra fitxatu du, Gabonetako oporraldian taldea utzi duen Lindsay Harris herrikidearen hutsunea betetzeko. Lucas 172 zentimetroko eskolta-hegalekoa da, 23 urte ditu eta North Carolina unibertsitatean jokatu zuen, azken denboraldian partidako 15 puntu sartu zituelarik. Aurten, Italee Lucas Errumaniako Satu Mare taldean ari zen jokatzen eta zenbaki onak azaldu ditu hango ligan: 17 puntu eta 4 errebote, bataz beste. FIBAko Eurocup lehiaketan ere antzerako zenbakiak egin ditu: 18 puntu, 4 errebote eta 3 asistentzia. Joan den ostegunean sinatu zuten hitzarmena taldeak eta Lucasek, eta atzo iritsi zen jokalaria Hondarribiko aireportura. Dena ondo, datorren asteburuan debutatu ahal izango du estatubatuarrak, Tintos de Toro taldearen kontra. Hondarribiko taldetik esan dutenez, “eskolta-hegalaria da, baina base postuan ere jokatu dezake. Hondarribia-Irunen hiru posizio horietan jokatuko du, 1, 2 edo 3 bezala”. Hortaz, Leire Aranburu presidente duen taldeak beste fitxaketaren bat egiten duen bitartean, Sandra Igueravide basearen hutsunea betetzen lagundu beharko du Lucasek, Ana Suarez joko zuzendariari atseden minutuak eskainiz. Igueravidek ere Gabonetan utzi zuen taldea, berak eskatuta, Turkiara jokatzera joateko. Valentziarraren joanarekin, Hondarribia-Irunek base titularraz gain, saskiratzaile onena ere galdu du. Harrisen ordez dator Gabonetan Txingudi Saskibaloi Elkarteak kontratua eten zion Lindsay Harris eskoltari, berarengandik espero zutena ez baitzuen bete. Taldeko saskiratzaile onenetakoa behar zuen izan Harrisek, baina bere ekarpena ez zen iristen partidako 6 puntura.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Italee Lucas eskoltak ordezkatuko du Lindsay Harris

Gipuzkoa

Maixabel Lasari emango diote aurten Gipuzkoako Urrezko Domina

Hondarribiko Udalak kereila penal bat aurkeztu du Zaldunborda auziko dokumentazioa iker dadin

Xabier Morras, margoz emandako lekukotasuna

Yurrita e Hijoseko hamabi langile kaleratu dituztela salatu dute

Jarindo parke eolikoa egiteari uko egin dio Green Capital Powerrek

Bergarako eta Zarauzko IATetako lan gatazkan esku hartu dezala eskatu diote Jaurlaritzari

‘Superra’-ren aurrestreinaldia Azpeitian egingo dute, hilaren 28an

Xabi Alonsoren Igeldoko txaleta legezkoa dela ebatzi du EAEko Auzitegi Nagusiak

Irungo atxilotuen kasua «Poliziaren jukutriatzat» jo du Askek

Eusko Jaurlaritzak Bentaberriko babes ofizialeko 510 etxebizitzak erosiko dizkio Blackstone funtsari

Jon Insaustik esan du Donostian atzo etxegabetu behar zuten familiari «bizitoki bat» eskainiko diotela

Donostiako Antondegi eremuak landa izaerari eutsi behar diola defendatu du Antondegi Berdeak

Gipuzkoako baso suhiltzaileek salatu dute foru aldundiak zenbait zerbitzu eten dituela, baso suteen «arrisku handiko» sasoi betean

Luis Mari Goikoetxea hil da, Zumaiako Arraun Elkarteko presidente ohia