150 lagun bilduko dira erregeen desfilean

admin

Bidasoa

2013/01/03

Errenteria-Oreretako erregeen kabalgata aurkeztu dute

Hiru erregeek nahiko lan izango dute larunbat gauean, baina baita arratsaldean ere. Erregeen desfilean gozokiak nahiz txokolateak banatuko dituzte, eta haurren eskaerak ere entzungo dituzte. Ohi bezala, 18:00etan abiatuko da kabalgata Tulle kaletik eta ohiko ibilbidea egin ostean, udaletxean egingo dute geldialdia. Aurtengo berritasun nagusia harreran ikusi ahal izango da, ez baita ohi bezala udaletxean egingo, Merkatuzarren baizik. Unai Unsuain zinegotziak azaldu duenez, espazio txikia izaten da udaletxean, eta ume zein gurasoek kanpoan egon behar izaten dute zain, eta eguraldiaren arabera, gogorra egin daiteke. Aurten, ordea, Merkatuzarrera eramatea erabaki dute espazio zabalagoa eskaintzen duelako eta egokiagoa delako eguraldiarengandik babesteko. Bestalde, lau karroza aterako dira, erregeen postariarekin eta hiru erregeekin, eta eurekin batera, zuzi eramaileak izango dira. Jaiotzaren atzetik ibiliko dira erregeak; horko protagonistak, ordea, ez dira karroza gainean joango, gurdi gainean baizik. Baserritarrek lagunduko dituzte jaiotzako kideak. Desfilearen lehen filan banda egongo da. Guztira, 510 kilo gozoki eta 7.000 txokolatezko txanpon banatuko dituzte. Berritasunak, antolakuntzan Aurtengo beste berritasuna antolakuntzaren aldetik etorri da. Lehen udala aritzen zen bezala, aurten batzorde bat ibili da desfilea prestatzen, eta bertan parte hartu dute Eureka, Jaitoki Furius eta Tellerik. Urrian hasi ziren bilkurak egiten, eta guztira, hiruzpalau egin dituzte.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

150 lagun bilduko dira erregeen desfilean

Gipuzkoa

Donostiako Karmengo jaietan jasandako «jazarpen poliziala» salatu dute dozenaka herritarrek

Jon Sarasua euskaltzain oso izateko hautagai izendatu dute

Donostiako Piratek bertan behera utzi dituzte abuztuaren 14ko kontzertuak

Memoria historikoari begiratzeko bi proposamen bateragarri egin dituzte Carla Filipek eta Taxio Ardanazek

Uholdeak gertatu aurretik abisu emateko sistema bat sortu dute Pasai Donibanen

Hernani eta Irun lotzen dituen Renfeko tren zerbitzua etengo dute uztailaren 25etik irailaren 6ra

Bergarako eta Zarauzko autoen ikuskapen zentroetan greba mugagabeari eutsiko diote

Beasaingo Urkiola jatetxeak irabazi du Jakitea elkartearen Juan Manuel Garmendia gastronomia saria

Torreko Hodia ikusgai jarriko dute Ekainberrin, duela 12.000 urte grabatutako pieza bat

Deeptek-Gipuzkoa fundazioak programa bat abiarazi du enpresa zientifikoei laguntzeko

Ertzaintzak Donostiako Karmengo jaietan «herritarren aurka erabilitako indarkeria» salatu du EH Bilduk

Donostiako Karmengo jaietan jasandako «jazarpen poliziala» salatu du besta batzordeak