Neguko kontzertua: Bizkaiko Joka taldea eta Kantabriako Alba Gutierrez
Urtea bukatu baino lehenago izango da aurtengo Neguko Kontzertua, Soinuenea Fundazioaren eskutik. Hilaren 29an izango da, 18:30ean, Ergoiengo Auzokalte elkartean. Bizkaiko Joka taldea eta Kantabriako Alba Gutierrez igoko dira oholtza gainera. Euskal he...
Urtea bukatu baino lehenago izango da aurtengo Neguko Kontzertua, Soinuenea Fundazioaren eskutik. Hilaren 29an izango da, 18:30ean, Ergoiengo Auzokalte elkartean. Bizkaiko Joka taldea eta Kantabriako Alba Gutierrez igoko dira oholtza gainera.
Euskal herri musikaren adibidea eskainiko dute Joka taldeko kideek. Taldea osatzen duten Josu Cabrero, Ander Blasco eta Beinat Izagirrek, akordeoia, biolina eta panderoa jotzen dituzte, eta dantzarako musika sortzen dute.
Kantabriatik etorriko da Alba Gutierrez, Yoni Martinez asturiarrak lagunduta. Panderoa, rabela eta gaita entzuteko aukera izango da beraien saioan.
Kontzertuko sarrerak 5 euro balio du, eta 20 euroren trukean, berriz, kontzertuko sarrera eta afariko txartela eskura daitezke.
Haurrentzako kontzertu pedagogikoa
Egun berean, gurasoentzako eta haurrentzako kontzertu pedagogikoa eskainiko du Alba Gutierrez kantabriarrak. 11:30ean izango da, Auzokalten.
Bisita gidatuak, etzi
Etzi, berriz, azkeneko bisita gidatuak egingo dituzte Herri Musikaren Txokoan. 11:00etan eta 17:00etan izango dira, doan.
