Olentzero iristen denerako jaialdia antolatu dute haren laguntzaileek
18:00etan iritsiko da Olentzero herrira, baina aurretik hainbat ekimen egingo dituzte herria girotzeko Abenduaren 24an, urtero, Olentzero herrira jaisten da. Aurten ere ez da faltako, 18:00etan iritsiko da. Aurretik, baina, Olentzeroren Laguntzaileek j...
18:00etan iritsiko da Olentzero herrira, baina aurretik hainbat ekimen egingo dituzte herria girotzeko
Abenduaren 24an, urtero, Olentzero herrira jaisten da. Aurten ere ez da faltako, 18:00etan iritsiko da. Aurretik, baina, Olentzeroren Laguntzaileek jaialdi berezia antolatu dute, «ongietorri beroa emateko».
17:00etan, Lartaun Abesbatzako kideek Gabonetako abestien kantu jira egingo dute Doneztebe plazan zehar. Eta 17:30ean, trikitilariak izango dira Kontzejupean.
Olentzeroren jaitsiera
18:00etako kanpaiekin batera, Olentzero iritsiko da herrira, astoak, ikazkileek eta txistulariek lagunduta. Plazan zain egongo diren haurrek eta gurasoek Gabonetako abestiak kantatuz harrera egiteko deia egin dute Olentzeroren Laguntzaileek.
Ondoren, Olentzerok bere tokia hartuko du Kontzejupeko oholtzan, eta eskutitzak irakurriko ditu. Haurrek berarekin hitz egiteko aukera izango dute.
Oraindik Olentzerori gutuna idatzi ez diotenek, horretarako aukera dute, laguntzaileek ikastetxeetan eta plazan jarri dituzten kutxetara botata.
Txondorreko ikatza
Etzidamu, larunbatean, Olentzeroren Laguntzaileek Arditurriko txondorreko ikatza aterako dute 17:00etan. 24an, berriz, Olentzerok plazaraino eramango du Arditurriko ikatz hori. Parte hartzeko deia egin dute antolatzaileek.
