Zaragozaren aurka irabazi ondoren, play off postuetan sartu da Union
Real Union talde irundarra play off postuetan sartu da lehen aldiz denboraldia hasi zenetik. Zaragoza B taldearen aurka lehiatu ziren txuri-beltzak herenegun Stadium Galen, eta 4-0eko garaipen argia lortu ondoren, hiru puntuak eskuratu zituzten. Hala, sailkapen nagusiaren laugarren postuan kokatu da Irungo taldea, 29 punturekin. Partida hasi eta berehala lortu zuen lehiaren kontrola etxeko taldeak. Zenbait gol aukera eduki zituzten Real Unioneko jokalariek lehen minutuetan, nahiz eta 35. minutura arte ez zuten markagailua estreinatzea lortu. Chupek sartu zuen lehen gola, eta handik bost minutura, bigarrena sartzea lortu zuen jokalari horrek. Lasaiago bigarren erdian Aldageletatik itzuli ondoren Imanol Idiakezen mutilak lasaiago aritu ziren zelaian. Zaragoza egoera hori baliatzen saiatu zen arren, ez zuen golik lortu. Hala, partida bukatzeko minutu gutxi falta zirenean, Real Unionek beste bi gol sartzea lortu zuen. Lehena, Lambarrik eskuratu zuen 83. minutuan eta azkena, Anguloren eskutik etorri zen, 87.ean. B taldea garaile Bergaran Erregional Ohorezko Mailako Real Union B taldeak bigarren postuari eutsi dio Bergaran irabazi ondoren. Irundarrek 0-2ko markagailuarekin itxi zuten partida. Hala, sailkapen nagusiaren bigarren postua mantentzea lortu du txuri-beltzen bigarren taldeak, 30 punturekin.
Real Unionek 4-0 irabazi zuen Zaragoza Bren kontra. Irudia: Real Union
Real Union talde irundarra play off postuetan sartu da lehen aldiz denboraldia hasi zenetik. Zaragoza B taldearen aurka lehiatu ziren txuri-beltzak herenegun Stadium Galen, eta 4-0eko garaipen argia lortu ondoren, hiru puntuak eskuratu zituzten. Hala, sailkapen nagusiaren laugarren postuan kokatu da Irungo taldea, 29 punturekin.
Partida hasi eta berehala lortu zuen lehiaren kontrola etxeko taldeak. Zenbait gol aukera eduki zituzten Real Unioneko jokalariek lehen minutuetan, nahiz eta 35. minutura arte ez zuten markagailua estreinatzea lortu. Chupek sartu zuen lehen gola, eta handik bost minutura, bigarrena sartzea lortu zuen jokalari horrek.
Lasaiago bigarren erdian
Aldageletatik itzuli ondoren Imanol Idiakezen mutilak lasaiago aritu ziren zelaian. Zaragoza egoera hori baliatzen saiatu zen arren, ez zuen golik lortu. Hala, partida bukatzeko minutu gutxi falta zirenean, Real Unionek beste bi gol sartzea lortu zuen. Lehena, Lambarrik eskuratu zuen 83. minutuan eta azkena, Anguloren eskutik etorri zen, 87.ean.
B taldea garaile Bergaran
Erregional Ohorezko Mailako Real Union B taldeak bigarren postuari eutsi dio Bergaran irabazi ondoren. Irundarrek 0-2ko markagailuarekin itxi zuten partida. Hala, sailkapen nagusiaren bigarren postua mantentzea lortu du txuri-beltzen bigarren taldeak, 30 punturekin.
