Eibarko abesbatzen topaketan izango da Aiton Borda abesbatza bihar
Eibarko topaketan izango da Aiton Borda abesbatza
Lezoko aiton Borda abesbatzako kideak Eibarko Abesbatzen Topaketan izango dira bihar, Koliseo antzokian 17:00etatik aurrera. Topaketa bi egunekoa izaten da eta Aiton Bordakoei lehenengo egunean parte hartzea egokitu zaie, eta Zumarragako Goizalde, Legazpiko Buztintegi, Lasarteko Biyak Bat, Hondarribiko Kasino Zaharra, Oñatiko Pake Leku, Añorgako Gure Kabia eta Aretxabaletako Basotxo abesbatzekin batera ariko dira.
Joxe Migel Amianoren zuzendaritzapean, Pasaian xexenak, Nerea izango zen, Eguberriko aleluia eta Lezoko herria kantak abestuko dituzte Aiton Borda abesbatzako 45 kidek.
Eguberrietako egitaraua
Eibarko emanaldiarekin zabalduko dute Aiton BordakoekEguberriei begira aurten ere antolatu duten egitarau zabala.
Hurrengo hitzordua hilaren 20an dute, oraingoan etxean. Abesbatzakoek kontzertua emango dute Gezalan 19:00etatik aurrera. Eguberriko aleluia, Gabonetan, Elurra mara-mara, Belengo estalpean, eta Benedicat vobis abestuko dituzte bertan.
Abesbatza eguneko zentroan
Hilaren 24ean berriz, Gabonetako abestiak kantatzen ibiliko dira herriko klaeetan barrena 16:30etan Aiton Bordatik irtenda.
Eguneko Zentroko erabiltzaileekin ere ez dira ahaztu aiton Bordakoak eta beraientzako espresuki antolatutako emanaldia egingo dute zentroan bertan hilaren 27an 15:30etan hasita. Egitarau zabalagoa prestatu dute gainera ordurako eta guztira hamabi kanta abestuko dituzte. Urte amaierarekin emango diote bukaera Aiton Borda abesbatzakoek ere eguberrietako prestatu duten egitaraua zabalari. Hilaren 31n beste eragileekin elkartu eta kopla zaharrak abestuko dituzte musika eskolatik 18:30ean abiatuta.
