Bosgarren postuan kokatu da Union
Real Unionek bide onean dagoela erakutsi zuen igandean. Irundarrak Racing B taldearen aurka lehiatu ziren, Santanderreko (Kantabria, Espainia) Albericia zelaian. 0-3 garaitzea lortu zuten txuri-beltzek bertan, eta sailkapen nagusiaren bosgarren postuan kokatzea lortu dute, 26 punturekin. Laugarren sailkatutik puntu bakarrera daude, beraz, Union play-off postuetan sartzeko puntu bakarrera dago. Hasieratik kontrolatu zuen partida talde bisitariak. Racing B erasoei erantzuten saiatu zen, baina ez jokalari eta jarraitzaileek espero zuten moduan. Izan ere, Chupe txuri-beltzaren saiakera batean Saul Garcia Kantabriako taldeko atezainak bere atean sartu zuen lehen gola, partidaren 17. minutuan. Markagailuan gora Real Unionek partidaren 29. minutuan lortu zuen hurrengo gola, 0-2koa. Juan Dominguez eta Colinasen arteko jokaldia izan zen: lehena ezkerretik iritsi zen baloiarekin eta bigarrenari pasa zion eskuinetik baloia atera jaurti zezan. Hala, 0-2ko markagailuarekin joan ziren bi taldeak atsedenera. Azken gola partidaren bukaeran ailegatu zen. Racing Bko Borja Garciak Txutxiren kontra egin, eta lurrera bota zuen area barruan. Epaileak penaltia izan zela erabaki, eta Angulo txuri-beltzak egin zuen 0-3koa. Partidaren 89. minutuan izan zen jokaldi hori. Zaragoza Bren kontra ariko da Real Union, nor baino nor, datorren jardunaldian, Stadium Galek hartuko duen partidan. Zaragoza, sailkapen nagusiko hamabigarren postuan dago. Irabazteko moduko partida dute irundarrek, beraz. Union B, bigarren [...]
Real Unionek bide onean dagoela erakutsi zuen igandean. Irundarrak Racing B taldearen aurka lehiatu ziren, Santanderreko (Kantabria, Espainia) Albericia zelaian. 0-3 garaitzea lortu zuten txuri-beltzek bertan, eta sailkapen nagusiaren bosgarren postuan kokatzea lortu dute, 26 punturekin. Laugarren sailkatutik puntu bakarrera daude, beraz, Union play-off postuetan sartzeko puntu bakarrera dago.
Hasieratik kontrolatu zuen partida talde bisitariak. Racing B erasoei erantzuten saiatu zen, baina ez jokalari eta jarraitzaileek espero zuten moduan. Izan ere, Chupe txuri-beltzaren saiakera batean Saul Garcia Kantabriako taldeko atezainak bere atean sartu zuen lehen gola, partidaren 17. minutuan.
Markagailuan gora
Real Unionek partidaren 29. minutuan lortu zuen hurrengo gola, 0-2koa. Juan Dominguez eta Colinasen arteko jokaldia izan zen: lehena ezkerretik iritsi zen baloiarekin eta bigarrenari pasa zion eskuinetik baloia atera jaurti zezan. Hala, 0-2ko markagailuarekin joan ziren bi taldeak atsedenera.
Azken gola partidaren bukaeran ailegatu zen. Racing Bko Borja Garciak Txutxiren kontra egin, eta lurrera bota zuen area barruan. Epaileak penaltia izan zela erabaki, eta Angulo txuri-beltzak egin zuen 0-3koa. Partidaren 89. minutuan izan zen jokaldi hori.
Zaragoza Bren kontra ariko da Real Union, nor baino nor, datorren jardunaldian, Stadium Galek hartuko duen partidan. Zaragoza, sailkapen nagusiko hamabigarren postuan dago. Irabazteko moduko partida dute irundarrek, beraz.
Union B, bigarren postuan
Erregional Ohorezko Mailan aritzen den Real Union B taldea ere emaitza onak lortzen ari da. Oñatiko Aloña Mendi taldearen aurka lehiatu zen larunbatean, Stadium Gal ondoko zelai artifizialean izandako partidan. 3-2 gailentzea lortu zuten txuri-beltzek, eta era horretara, sailkapen nagusiko bigarren postuan mantentzea lortu dute irundarrek, Hernani lehenengo sailkatutik sei puntura.
