Topoaren 100 urteetako irudiak jaso dituzte 2013 urteko udalaren egutegian
Herenegun bete ziren 100 urte topoak Irun eta Donostia artean lehen bidaia egin zuenetik. Nolanahi ere, bi hirien arteko tren zerbitzua 1913an finkatu zuten eta, horregatik, Irunen datorren urtean ospatuko dute topoaren mendeurrena. Hain data biribiler...
Herenegun bete ziren 100 urte topoak Irun eta Donostia artean lehen bidaia egin zuenetik. Nolanahi ere, bi hirien arteko tren zerbitzua 1913an finkatu zuten eta, horregatik, Irunen datorren urtean ospatuko dute topoaren mendeurrena. Hain data biribilerako udalak burdinbide estuko trenaren argazkiekin osatu du 2013ko egutegia. Irungo Argazkilaritza Elkarteak (IAE) eta Bidasotarra 7301-Trenbidearen Lagunak elkarteak argazkien bilduma osatzen lagundu dute.
Egutegiaren 12.000 ale argitara emango ditu udalak, eta hilaren 18an banatzen hasiko dira. Jose Antonio Santano alkateak banatuko ditu lehen aleak, egun horretan bertan, HAZ bulegoan, 11:00etatik aurrera. Bestela ere, HAZ bulegoan bertan eskuratu ahal izango dituzte interesdunek.
Estreinako egunean, istripua
Donostia eta Hendaia arteko ibilbidea, Irunen geldialdia egiten zuena, 1913ko uztailaren 23an inauguratu zuten, eta egun horretan istripu larria izan zen, bi trenek aurrez aurre jo zutenean. Zazpi hildako eta hogei zauritu larri eragin zituen istripuak. Irungo herritarrek emandako laguntzagatik hiriari «oso humanitarioa» izendapena eman zion Espainiako Alfonso XIII. erregeak. Udalak aurreratu duenez, istripu horretako irudiren bat agertuko da egutegian.
