Txuri-beltzek 1-0 irabazi dute Gimnasticaren aurkako partida
Real Union taldeak 1-0 irabazi zuen herenegun Gimnastica de Torrelavega taldearen kontra, Stadium Galen. Txuri-beltzek hiru puntu eskuratu zituzten eta horri esker, sailkapen nagusiko seigarren postuan mantentzea lortu dute, 23 punturekin. Imanol Idiak...
Real Union taldeak 1-0 irabazi zuen herenegun Gimnastica de Torrelavega taldearen kontra, Stadium Galen. Txuri-beltzek hiru puntu eskuratu zituzten eta horri esker, sailkapen nagusiko seigarren postuan mantentzea lortu dute, 23 punturekin.
Imanol Idiakezen mutilek 45. minutuan penalti bidez sartu zuten gola. Gimnasticako Borja jokalariak eskuarekin ukitu zuen baloia eta ondorioz, penaltia adierazi zuen epaileak. Hala, Juan Dominguezek atsedenera joan aurretik sartu zuen garaipenaren gola. Ondoren, Lambarrik bigarren gola sartzea lortu zuen arren, bertan behera utzi zuen epaileak, hesiaren arauzko tartea ez errespetatzea leporatuta.
Real Union B, bigarren
Erregional Ohorezko Mailan aritzen den Real Union B taldeak, bere aldetik, 0-1 irabazi zuen larunbatean Touringen kontra. Horri esker, sailkapen nagusiko bigarrenak dira.
