Galdutako uraren tenperatura baliatzeko sistema jarri dute Galtzarabordako igerilekuan
Udal Kirol Patronatuak jakinarazi duenez, Galtzarabordako igerilekuan sistema berria jarri dute martxan, eta horrek aukera ematen du ura berritu arren, igerilekuko uraren berotasuna berreskuratzeko. Osasun araudiari jarraituz, egunero, 32.000 litro ber...
Udal Kirol Patronatuak jakinarazi duenez, Galtzarabordako igerilekuan sistema berria jarri dute martxan, eta horrek aukera ematen du ura berritu arren, igerilekuko uraren berotasuna berreskuratzeko. Osasun araudiari jarraituz, egunero, 32.000 litro berritzen ditu, eta uraren tenperatura 28 gradukoa da. Orain arte ura eta tenperatura galdu egiten ziren, baina sistema berriari esker, isurtzen den uraren berotasuna berreskuratu eta igerilekua berriro betetzeko erabiltzen den ura berotzeko erabiltzen da. 20.000 euroko inbertitu behar izan ditu patronatuak, baina EEE Energiaren Euskal Erakundearen energia aurrezteko programaren bidez finantzatu da.
Bestalde, kirol material berria erosi du Galtzaraborda eta Fanderiko kiroldegietarako. Esate baterako, fitness jardueretarako steps berriak erosi dituzte, eta aerobik eta zirkuit klaseetarako ere materiala berritu dute. Pilates klaseetan ere bi instalazioetan uztaiak eta goma berriak izango dira. Crossfit jardueretan, berriz, kettlebells (pisu errusiarrak) eta beste zenbait pisu eta baloi sendagarriak erabili ahal izango dira. Indoor zikloan, berriz, denboraldi hasieran 40 bizikleta erosi ostean, ikastaroetan erabiltzeko beste zenbait material ere erosi dute.
