58 urteko gizon bat atxilotu du gaur goizaldean Ertzaintzak Irunen, haren semeari eta errainari ustez labain batekin mehatxu egitea leporatuta. Ertzaintzaren arabera, emakume baten deia jaso dute goizeko 03:45ean, aitaginarrebak bera erail nahi zuela a...
Emaus fundazioaren Ekocenterrak erakusketa eta enkantea hartuko ditu gaurtik hilaren 15era bitartean. Era guztietako eta prezio anitzeko objektuak aurki daitezke bertan, “esklusiboak eta orijinalak”, diote fundaziotik. Hala, Espainiako Gerrako obus batetik, 1920 urteko kapela bitxi baterainoko opariak eskuratu ahal izango dira. Denera, 102 objektu erakusgai jarri ditu Emausek eta horietako bakoitzarengatik diru eskaintza bat egin ahal izango dute interesatuek. Objektuek, hasierako prezio bat edukiko dute eta horren gainean eskaintza egiteko aukera edukiko dute interesatuek. Nahi adina objektuengatik eskaintza egin daiteke, baina objektu bakoitzarengatik eskaintza bakarra onartuko dute arduradunek. Horiek horrela, Ekocenterreraino hurbiltzen diren lagunak, besteak beste, aurkitu ahal izango dute: Espainiako 36ko gerrako obus bat, Bigarren Mundu Gerrako alemaniar kasko bat, 1920ko kapelak… Elkartasun ekonomia Emaus Fundazioak “elkartasun ekonomia” bultzatzearen aldeko lana egiten du eta beraz, aurtengo gabonak “elkartasunean” ospatzeko dei egin du. Irabazi asmorik gabeko fundazioa da Emausena eta lortutako diru guztia gizartetik kanpo gelditzeko arriskua pairatzen duten pertsonak laguntzera zuzentzen dute. Halaber, “baliabideen aprobetxamenduaren kulturaren sustapena” areagotzeko xedea du fundazioak, eta “bigarren eskuko objektuei prestigioa eman, ingurumena babesteko formula bezala”.
FUTBOLA Bigarren B Maila Real Union-Gimnastica 1-0 Erregional Ohorezko Maila Touring-Real Union B 0-1 Preferente Maila Lengokoak-Mariño 1-1 Behobia-Orioko 1-0 Emakumeen Euskal Liga Gasteizko Neskak-Mariño 1-0 SASKIBALOIA Emakumeen Liga ...
Ohorezko Mailako hamabigarren jardunaldia biribila izan da Hondarribia futbol taldearentzat, Oiartzunen garaipena lortu eta aurreko taldeekiko tartea txikitu duelako. Zortzigarren lekuan jarri dira, baina talde indartsuenek huts egin zuten eta, liderra aparte utzita, lehenengo bederatzi tokietan apenas dago diferentziarik. Larunbatean Hondarribiak merezita irabazi zuen Oiartzunen (0-2), uneoro baloiaren jabetza berdeena izan baitzen. Rodrigok sartu zituen hondarribiarren bi golak, 37. eta 70. minutuetan. Sailkapenean zortzigarren postuan jarri dira eta hobeto izan zitekeen, baina aurretik dituzten Berio, Aretxabaleta eta Bergarak irabazi zuten. Nolanahi ere, aurreko aldea estututa geratu da, jardunaldia hasi aurretik lehen hiru postuetan zeuden taldeek —Hernani, Touring eta Tolosa— galdu zutelako. Hala, Hernanik lider sendo izaten jarraitzen du, baina bigarren postuan jarri den Real Union B taldeak lau puntu besterik ez dizkio ateratzen seigarrenetik bederatzigarren lekuan dauden Aretxabaleta, Berio, Hondarribia eta Oiartzun taldeei. Lau hauek sei puntuko aldea ireki dute hurrengoekiko, eta dagoeneko jaitsiera postuak 11 puntura dituzte. Datorren asteburuan Hondarribiak etxean jokatuko du, bederatzi punturekin azken hirugarren den Beti Gazterekin. Mikel Llorenterenek sekulako aukera izango dute sailkapenean koska bat gehiago igotzeko.
Gaur goizean Catelsako langileak planto egin dute enpresaren itxiera salatzeko. LAB sindikatua pozik agertu da, “fabrika ia erabat geldirik egon delako, nahiz eta ELA, CCOO eta UGT sindikatuek greba deialdiarekin bat ez egin”. Bide horretatik, langileek hartu duten jarrera txalotu du sindikatu abertzaleak: “Krisi testuinguru honetan multinazionalek irabazi gehiagoren bila enpresak ixtea erabat bidegabea eta onartezina da. Enpresak bere horretan jarraitzen duenez, langileek ere borrokan segituko dute”. Hurrengo greba eguna etzi, hilaren 5a, izango da.
Bidasoko XII. Nazioarteko Zinemaldi Arkeologikoa ostiralean iritsi zen bukaerara. David Geoffroy zuzendariaren Quand les Gaulois perdaient la tête –Galiarrek burua galdu zutenean– filmak aho batez jaso zuen Epaimahairen Sari Nagusia. Arkeolan sar...
Inauterietako desfilean parte hartu nahi duten konpartsek izena eman dezakete dagoeneko Hiritarra Atenditzeko Zerbitzuan (HAZ). Udaleko Kultur arlotik jakinarazi duenez, urtarrilaren 11ra arte irekita egongo da epea. Gainera, konpartsa guztien artean 16.500 euroko diru laguntza jasoko dutela ere ezagutzera eman dute. Desfilean parte hartzeko ordena bestalde, zozketa bidez egingo da. Urtarrilaren 30ean izango da zozketa, Kultura eta Hezkuntza arloko bulegoetan (Ospitale Zaharra).
Kontzertu sorta emango du Errenteria Musikalek hilaren 10etik hasi 18ra bitartean. Lehen egunean, soka landuko dute, eta gero etorriko dira, haizea eta perkusioa, pianoa, eta akordeoi eta trikitia. Hilaren 17an, berriz, musika eta mugimendua, eta hurre...
FUTBOLA Akitaniako Ohor. Promozioa ASMUR-Eglantins 3-1 Akitaniako Eskualdeaurrekoa Stade Hendayais-Aspois 31-21 Emakumeen Excellence Liga Buros-Stade Hendayais 28-14 ERRUGBIA Frantziako 2. Maila. DF Stade Hendayais atseden izan du
FUTBOLA Erregional Ohorezko Maila Oiartzun-Hondarribia 0-2 SASKIBALOIA Emakumeen Liga Cadi ICG-Hondarribia Irun 71-77 ESKUBALOIA Euskal Liga Usurbil-La Bacaladera 31-34
Baditu finalistak bertsolari gazteen Xenpelar Sariak, eta Aitor Urbieta eta Gorka Maizekin batera igoko dira taula gainera Unai Gaztelumendi, Peio Ormazabal, Oier Aizpurua eta Jone Uria. Guztien artean, Gaztelumendi nabarmendu da. Bigarren kanporaketa irabazteaz gain, hiru lehietan puntuazio gehien lortu duen bertsolaria izan da: 230,5 puntu. Gaztelumendi larunbatean kantatzekoa zen, baina aldaketak izan ziren programazioan, eta ostiralean abestu zuen, Iker Agirreren tokian. Hurrengo egunean, berriz, bere partez Mikel Artola aritu zen. Bigarren kanporaketan maila altua erakutsi zuten bertsolariek, kontuan hartuta, bigarren geratu zen sailkatuak, Ormazabalek, hirugarren kanporaketaren irabazlearen, Aizpurua, puntu kopuru bera lortu zuela. Finala larunbatean izango da Errenteria Hiria Kulturgunean, eta sarrerak dagoeneko salgai daude, 3 euroan. Kulturguneko leihatilan eros daitezke. Ekitaldi berean omenaldia egingo zaio Xabier Euzkitzeri.
Udal Kirol Patronatuak jakinarazi duenez, Galtzarabordako igerilekuan sistema berria jarri dute martxan, eta horrek aukera ematen du ura berritu arren, igerilekuko uraren berotasuna berreskuratzeko. Osasun araudiari jarraituz, egunero, 32.000 litro ber...
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
