
Gaur bilduko da hondakinen batzordea, dagoeneko hirugarrenez. Bilkura Merkatuzarren izango da, 19:00etan. Herritar guztiei zabaldu diete parte hartzeko gonbidapena, baina konfirmatu egin beharko da, 943 49 22 15 telefono zenbakira deituz edo aitor[a bi...

Bidasoa-Irun eskubaloi taldea Angel Ximenez-Puente Genilen aurka lehiatu zen larunbatean, Artalekun. Irungo taldeak 28-26 gailentzea lortu zuen, eta garaipenari esker, sailkapen nagusiko hirugarren postuan jarri da. Borja Burguete taldeko jokalariak, b...

Musika Oarsoaldeko eta Bidasoko txoko askotan entzun da asteburuan. Santa Zezilia musikarien eguna aitzakiatzat hartuz, kontzertuak areto barruan eta kalean izan dira han eta hemen. Argazkian Oiartzungo Lartauneko kideak ageri dira, herenegun.

Pilar Martinez kenpo irakaslea da Oiartzunen. Eta lehen emakumea izan da historian gerriko beltzeko bosgarren dan maila lortzen. oan den larunbatean, hilaren 24an, Espainiako Estatuko gerriko beltzen azterketak egin zituzten Beran (Nafarroa). Martineze...

Abenduaren 1ean Hiesaren Aurkako Eguna da eta 3an, berriz, Euskararen Eguna. Zenbait tokitan kontuan izango dituzte bi egun horiek, hala nola, Errenteria-Oreretako ludoteka eta gaztelekuetan. Hiesaren Aurkako Egunaren harira, Gabierrotako gaztelekuan f...

Iñaki Salvador pianista donostiarrak kontzertua eskainiko du larunbatean Itsas Etxeko auditoriumean, Udaleko Euskara departamentuak antolatutako Neguko Jardunaldien barruan. Lilurarik ez izenburupean, Mikel Laboarekin idatzitako abestiak bildu zituen ...

Ertzaintzak jakinarazi duenez, atzo goizaldean, 05:30ean lapurreta egin zuten Galtzarabordako kiroldegian. Ustez lapurrak leiho batetik sartu ziren, eta kiroldegiko kutxa erregistratzailea eta dirua eta kafetegitik ordenagailu bat eraman zituzten. Garb...

Gaur hasiko da Bidasoako XII. Nazioarteko Zinemaldi Arkeologikoa, Irungo Amaia kultur zentroan, 19:00etan. Aurten, proiekzio egun bat gutxiago izango du zinemaldiak, baina, antolatzaileek adierazi dutenez, filmen kalitatea “guztiz bermatuta” dago. Sarrera doakoa izango da egun eta emanaldi guztietan (jaitsi egitaraua). Azkeneko egunean, ostiralean, sari banaketa egingo dute Oiasso Erromatar Museoan: Zinemaldiaren Mugaburu saria (2.000 euro), Publikoaren Sari Berezia (1.000 euro) eta Zientzia Dibulgazioaren Arkeolan Saria. Paleolitikoari, Egiptori, Antzinateari, Erdi Aroari eta Erdi Aro ondokoari eskainitako atalei eutsi egingo diete, baita beste kontinente batzuetako kulturei buruzkoei ere. Antolatzaileek azaldu dutenez, “produkzio handiak” eta “estreinaldi bat baino gehiago” izango dira urte honetan. Antzeko zinema jaialdiak egiten dira nazioartean ere, eta Irungoan emango diren filmeen artean, Roveretoko (Italia) eta Icronosko (Bordele) zinemaldietako film irabazleak egongo dira, eta lehiaketan parte hartuko dute. Beste batzuen artean, Europako arbasoak, greziarrek muntatu zuten historiako lehenengo ordenagailua, galiarrak eta ikerketa arkeologikoaren inguruko azken joerak ezagutzeko aukera izango da. Gaurko emanaldien artean dago Lehendabiziko europarraren bila. Filmak Luis izeneko gazte baten istorioa kontatzen du: europarren jatorria ezagutu nahian, Atapuercako zuzendariekin elkartuko da, eta horrek arbasoen aztarnak bilatzeko bidaia batetara gonbidatuko du Luis. Jatorri euskalduneko aizkora “Nekez”, baina aurrera egin du aurtengoan ere Arkeologia Zinemaldiak. Orain artean, diru laguntza publikoen [...]

Emakumeen Kontrako Indarkeriaren Aurkako Nazioarteko Eguna izan zen igandean eta, inoiz baino gehiago, batasuna izan da Bidasoa eta Oarsoaldeko herritarrak tratu txarrekin eta bestelako bortizkeriekin nazkatuta daudela esateko erakutsitako modua. Bidasoan lehen aldiz egin zuten igandean Sexismoaren kontrako martxa, Irun eta Hondarribia artean, eta herritarren erantzuna bikaina izan zen. Eguerdiko hamabietarako ehundik gora legun elkartu zen San Juan plazan, Bidasoko hamazazpi elkartek osatzen duten Txingudi Anti Sexista (TAS) plataformak egindako deiari erantzunez; batzuek ibilbide osoa egiteko asmoa zuten, beste zenbaitek zati bat soilik, baina denek bat egin zuten emakumeenganako indarkeriaren kontrako aldarrikapenarekin. TASeko partaide diren elkarteetako ordezkariek ireki zuten martxa, ‘Aski da. Indarkeria sexistarik ez’ lelopeko pankarta eskuetan zeramatela. Irungo erdialdea zeharkatu zuten, Mendeluraino. Bidean gehiago izan ziren martxara gehitzen zirenak, etxera martxara batutakoak, uzten zutenak baino. Hala, multzo polita osatu zuten Amuten txalapatariek harrera egin zietenerako. Ordurako, Hondarribiko San Pedro kalea kolore morez betetzen hasia zegoen, Emeki emakume elkarteko kideek puxikak banatzen aritu baitziren. Puxiketan ‘224 arrazoi nahikoa dira’ lelodun pegatinak jarri zituzten, horiexek baitira 2012an Irunen eta Hondarribian tratu txarrengatik jarritako salaketak. Azken asteetan emakumeentzako seguruak ez diren herriko lekuak zehazten jardu du Emekik, eta bildutakoak jasotzen dituen erakusketa ireki zuten larunbatean Zuloaga kaleko Movellan arte galerian (abenduaren [...]

Martxa Berdea antolatu du Independentistak Sareak abenduaren 6rako Durangon, Bagoaz. Euskal Herriak #Independentzia! lelopean. 17:00etan izango da, Landako gunean. Bertara joateko autobusak antolatu dituzte herrian. Garmendi txokolategian eta Amazkarre...

Azken aldian pil-pilean dagoen gaia landuko dute gaur zinegotziek azaroko ohiko udalbatzarrean: etxe kaleratzeen gaineko mozioa. Horrez gain, beste lau gai jarriko dituzte mahai gainean. Ohiko tramiteei buruzko bi puntuen ostean, Errenteriako Udala tok...

Santa Barbara meatzarien patroia da. Abenduaren 4a da bere eguna, baina Arditurrin igandean (abenduak 2) ospatuko dute. II. Santa Barbara Eguna izango da. Egun horretan eskaintza berezia izango da meategietan: oinarrizko bisita 2 euroren truke egin a...

Bidasoko Emakumeen II. Jardunaldia egingo dute larunbatean, abenduak 1, Zuloaga Etxean. Jardunaldien goiburua ‘Ideiak partekatzen. Bizimodu ona izateko ideiak, krisi garaian pentsatuak eta garatuak. Zein da emaumeon eginkizuna’ da eta 10:00etatik 13:30era burutuko dituzte. Emeki elkarteak eta Hondarribiko Udalak antolatzen dute ekimena. Antolatzaileek esan dutenez, “jarduera hau emakume guztiei begira antolatuta dago, eta doan da, elkarteren bateko bazkide izan ala ez izan”. Tailerraren helburua goiburuko galderari erantzutea da, hau da, krisi garaian bizimodu ona ateratzeko emakumeek zer egin dezaketen argitzea. Horretarako, krisiak norberarengan izan duen eragina eta familiak zailtasunen aurrean nola egokitzen diren aztertuko dute. Horrekin guztiarekin, ongizaterako estretegia eta ekintzak zehazten saiatuko dira. Enfuga kolektiboko Nieves Salobral izango da jardunaldiaren dinamizatzailea; aholkularia da, emakumeen aurkako indarkerian eta adiskidetzean aditua. Eta Rosa Arburua irakasleak ere parte hartuko du larunbateko ekimenean. Tailerra doan da, baina izena ematea eskatzen du Emekik: telefonoz (943 64 34 02 edo 619 82 52 36 zenbakietara deituz) edo Emeki elkartearen helbidera idatziz. Nahiago duenak Emeki elkartearen egoitzan emandezake izena, arratsaldez. Bidasoko Emakumeen II. Jardunaldia Egitaraua: 10:00: Akreditazioen banaketa eta jardunaldiaren aurkezpena, Emeki elkartearen eskutik. 10:15: Ongietorria, Aitor Kerejeta alkatearen eskutik. 10:30: Sarrera: Krisiaren ondorioak bizimoduan eta bizitzari eusteko egon litezkeen bideak, Enfuga kolektiboko Nieves Salobral aholkulariaren eskutik. [...]

Oarsoaldeko mugimendu feministak feministek elkarretaratzea deitu dute etzirako —19.30ean, Niessen merkataritza zentroaren atarian— Araian (Araba) hilda agertu den emakumearen heriotza salatzeko. 65 urte zituen Tere Egurrolak, eta ohean agertu da h...

Nagore Indakoetxea errenteriarra (bigarren urtez jarraian) eta Iker Larunbe atarrabiarra (hirugarren aldiz) izan dira, hurrenez hurren, Euskadiko Doinu Zahar Txapelketaren eta Gipuzkoar Aurresku Txapelketaren irabazleak. Donibanen jokatu zituzten bi txapelketa horiek larunbatean, Alkarkidek antolatuta. Gipuzkoar erako aurreskuaren XXXII. lehia eta doinu zaharraren VI.a izan ziren larunbatean egin zituztenak. Bost mutilek hartu zuten parte (dantzari batek huts egin zuen azken orduan), eta Ormatxulo, Aurkez aurke, Kontrapasa eta Zortzikoa dantzatu behar izan zituzten, azken hori konposizio librekoa. Neskak, berriz, zortzi izan ziren finalean aritu zirenak. Aurreko astean erabaki zen Antxoko Kultur Etxean egindako kanporaketan Indakoetxea iazko irabazlea lagunduko zuten dantzariak zeintzuk izango ziren. Kontrapasa eta Ormatxulo dantzatzeaz gain, Upelategi eta Hondarribi handia dantzak ere eraman zituzten Donibaneko kiroldegiko oholtzara. Lehenengo dantza izan ezik, gainontzeko hirurak konposizio librekoak dira. Nesken artean, bigarren puntuazio altuena Izar Etxeberria oiartzuarrak eskuratu zuen, eta hirugarrena Arantxa Ferreiro elgoibartarrak. Iker Sanz lezoarra eta Aitor Asenjo elgoibartarra izan ziren, hurrenez hurren, zilarrezko eta brontzezko dominak lortu zituztenak mutiletan. Erabakiaren zain, erakustaldia Xabier Mendizabalek, Nahikari Vizuetek eta Aiert Beobidek osatutako epaimahaia dantzari onenak zeintzuk izango ziren deliberatzen ari ziren bitartean, etorkizunean zer esana emango duten dantzariak igo ziren oholtzara. Horrela, 7 eta 11 urte bitarteko txapeldunek (Nora Fraile eta [...]

Udalak eta Herri Beltzak, batera antolatu dute abenduaren 1eko Hiesaren Kontrako Nazioarteko Eguneko egitaraua. Egitaraua Abenduaren 1a, larunbata. Informazio mahaia Killirikupen, 11:00etatik 13:00etara. Gaurtik, abenduaren 10era. If Matxikote artist...

Osasunean, beste arlo askotan bezala, hainbat gobernu erakunde aurrera eramaten ari diren murrizketen kontra elkartzen dira ostiralero hainbat antxotar. Herritar guztiak animatu dituzte ostiraletan, 12:00etatik 12:15era egiten dituzten elkarretaratzee...

Birkokatze plana, urteko 30 eguneko kalteordainak eta erretiroak proposatu ditu enpresak Atzo bildu ziren enpresa batzordea eta Catelsako ordezkariak. Azkenean, ez zen itxiera epeei buruzko informazio bilera bakarrik izan. Langileei zein baldintzetan kaleratuak izango diren jakinarazi zieten, eta enpresa batzordearen iritziz, baldintza horiek «eskasak» dira. Hiru ataleko proposamena egin du enpresak, Kepa Olaiz batzordeko kideak jakinarazi duenez. Lehen zutabea birkokatzeari dagokio: «Enpresak, legez, kalera doazen langileak lagundu behar ditu. Catelsak sei hilabeteko plana proposatu digu, eta formazioa jasoko genuke. Hala ere, barregarria iruditu zaigu, ez digutelako eskaintza zehatzik egin, eta gainera lan merkatua egun oso eskasa da». Beste bi zutabeak edo proposamenak, kaleratzeei buruzkoak dira. Bata, erretiroen gainekoa. Horren arabera, 58 urtetik gorako langileek izango lukete aurretik erretiratzeko (aurrejubilazioa) aukera. Adin horretatik gorakoak zazpi langile dira Catelsan. Beste proposamena kalte-ordainei buruzkoa da. Gainontzeko langileek, 58 urtetik beherakoek, lan egindako urte bakoitzeko 30 eguneko ordaina jasoko dute, gehienez hemezortzi urtera arte. Catelsako langile gehienek, hamar urte inguru daramatzate lanean, «beraz, ez lukete jasoko urte bateko soldata ere». Talde hori geldituko da egoera kaskarrenean Olaizen iritziz. «Lan merkatua oso eskasa da, eta gazteentzat egoera ez da batere erraza. Horrez gain, 50-58 adin tartean daudenek ere ez dute irtenbide erraza. Urte batzuk falta [...]