‘Barrura begiratzeko leihoak’ emango dute gaur udaletxeko areto nagusian
Oiartzungo herri bilguneak antolatu du emanaldia; bost euskal presoren egoera kontatzen du filmak Oiartzungo Herrirak antolatuta, Barrura begiratzeko leihoak dokumentala ikusteko aukera izango da gaur, 19:00etan, udaletxeko areto nagusian. Bost zuzendarik —Josu Martinezek, Eneko Olasagastik, Mireia Gabilondok, Enara Goikoetxeak eta Txaber Larreategik—, bost euskal preso politikoren istorioak kontatzen dituzte dokumentalean. Irati Tobar, Jon Ugarte Zinkunegi, Gotzone Lopez de Luzuriaga, Jesus Mari Zalakain eta Mikel Albisu Mikel Antza euskal presoak dira filmeko protagonistak. Egileek eta ekoiztetxeak, hainbat arazo izan dituzte lan hori egin eta zabaldu ahal izateko. Ekainean, Donostiako Udalak erabaki zuen filmaren arduraduna den Zinez ekoiztetxeari diru laguntza ematea. Espainiako Barne Ministerioak esan zuen Bildu legez kanpo uzteko arrazoia izan zitekeela laguntza. Herritarren ekarpenak Hala, diru laguntza horri eta diru laguntza publiko guztiei uko egitea erabaki zuen ekoiztetxeak. Jendeak diru ekarpena egiteko kanpaina abiatu zuten orduan. Oiartzunen ere jaso zituzten ekarpen horiek. Azkenean, Zinezek laguntzak adina diru lortu zuen, eta filma bukatu zuen. Ondorengo arazoak, filma proiektatzerakoan iritsi zitzaizkieen egileei. Zinez ekoiztetxekoek Zinemaldiko hautaketa batzordeari aurkeztu zioten dokumentala, baina antolatzaileek ez zuten sartu hautatutakoen zerrendan. Hala, lehenengo bi emanaldiak Donostiako Viktoria Eugenian egin zituzten, eta pribatuak izan ziren. Zabaltzeko deia Geroztik, arazoak izan dituzte hainbat zinema areto komertzialetan proiektatzeko ere. [...]
Oiartzungo herri bilguneak antolatu du emanaldia; bost euskal presoren egoera kontatzen du filmak
Oiartzungo Herrirak antolatuta, Barrura begiratzeko leihoak dokumentala ikusteko aukera izango da gaur, 19:00etan, udaletxeko areto nagusian.
Bost zuzendarik —Josu Martinezek, Eneko Olasagastik, Mireia Gabilondok, Enara Goikoetxeak eta Txaber Larreategik—, bost euskal preso politikoren istorioak kontatzen dituzte dokumentalean. Irati Tobar, Jon Ugarte Zinkunegi, Gotzone Lopez de Luzuriaga, Jesus Mari Zalakain eta Mikel Albisu Mikel Antza euskal presoak dira filmeko protagonistak.
Egileek eta ekoiztetxeak, hainbat arazo izan dituzte lan hori egin eta zabaldu ahal izateko. Ekainean, Donostiako Udalak erabaki zuen filmaren arduraduna den Zinez ekoiztetxeari diru laguntza ematea. Espainiako Barne Ministerioak esan zuen Bildu legez kanpo uzteko arrazoia izan zitekeela laguntza.
Herritarren ekarpenak
Hala, diru laguntza horri eta diru laguntza publiko guztiei uko egitea erabaki zuen ekoiztetxeak. Jendeak diru ekarpena egiteko kanpaina abiatu zuten orduan. Oiartzunen ere jaso zituzten ekarpen horiek. Azkenean, Zinezek laguntzak adina diru lortu zuen, eta filma bukatu zuen.
Ondorengo arazoak, filma proiektatzerakoan iritsi zitzaizkieen egileei. Zinez ekoiztetxekoek Zinemaldiko hautaketa batzordeari aurkeztu zioten dokumentala, baina antolatzaileek ez zuten sartu hautatutakoen zerrendan. Hala, lehenengo bi emanaldiak Donostiako Viktoria Eugenian egin zituzten, eta pribatuak izan ziren.
Zabaltzeko deia
Geroztik, arazoak izan dituzte hainbat zinema areto komertzialetan proiektatzeko ere. Hala ere, proiektatu duten toki guztietan arrakasta izan du dokumentalak, eta jende gehienak txaloz hartu du.
Dena den, proiektua laguntzen jarraitu nahi dutenek, horretarako aukera dute, DVDak erosita, edota emanaldiak antolatuta.
Webgunearen bidez jar daitezke Zinez-eko arduradunekin harremanetan. Hori egin du Oiartzungo herri bilguneak. Oarso Bidasoko bigarren emanaldia izango da Oiartzungoa (lehena Hendaian egin zuten, hilaren 17an).
Azken ostirala eta afaria
Bestalde, bihar hilabeteko azken ostirala izanik, presoen eta iheslarien aldeko kartelada deitu du herri bilguneak. Ohi bezala 20:00etan izango da, Doneztebe plazatik hasita.
Horrez gain, herri afaria ere antolatu dute. Girizia elkartean izango da, kartelada eta gero. Afariaren prezioa 18 eurokoa da eta txartelak ohiko tokietan eros daitezke.
