Sailkapenean aurrera egiteko aukera izango du Hondarribiak arratsaldean
Gaur Trintxerperen aurka jokatuko du Hondarribia futbol taldeak, Ohorezko Mailako Ligako 11. jardunaldiari dagokion partidan. 15:30ean hasiko da partida, Hondartza futbol zelaian. Atzo arratsaldean entrenatu ziren berdeak eta saioa amaitzerakoan Mikel ...
Gaur Trintxerperen aurka jokatuko du Hondarribia futbol taldeak, Ohorezko Mailako Ligako 11. jardunaldiari dagokion partidan. 15:30ean hasiko da partida, Hondartza futbol zelaian. Atzo arratsaldean entrenatu ziren berdeak eta saioa amaitzerakoan Mikel Llorentek sentsazio onak zituen gaurko partidarako. Duela bi asteko hutsegitearen ondoren, zaleei hiru puntuak eskaini ahal izatea espero du taldeak.
Sailkapeneko kokapenari dagokionez garrantzia handikoa izan daiteke gaurko partida. Etxekoek irabaziz gero jauzi handia eman dezakete —zortzigarren dira hamasei punturekin eta hirugarrenak, Oiartzunek, hemeretzi ditu—. Galduta, atzetik datozen hiru taldek aurreratu edo berdindu dezakete hondarribiarrekin.
Partida ez da erreza izango Llorenteren mutilentzat. Txintxerpe atzetik dute —hamahirugarren dira hamar punturekin—, baina Hondarribiak baino gol gehiago sartu ditu orain arte; hori bai, gol gehien jasotzen dituen multzoko taldea da, eta hori baliatu nahiko dute berdeek.
